ਇਹ ਸਫ਼ਾ ਪ੍ਰਮਾਣਿਤ ਹੈ
ਯਾਦਾਂ
ਸੇਹਰਾ
ਫੁਲ ਵਣ ਸਵੱਣੀ ਦੇ ਚੁਨ ਚੁਨ ਕੇ,
ਮਾਲਨ ਗੁੰਦਿਆ ਸੱਧਰਾਂ ਨਾਲ ਸੇਹਰਾ।
ਚਾਈਂ ਚਾਈਂ ਸੁਲੱਖਨੀ ਘੜੀ ਅੰਦਰ,
ਕਿਸੇ ਬਨਿਆ ਮਾਈ ਦੇ ਲਾਲ ਸੇਹਰਾ।
ਰਿਸ਼ਤੇਦਾਰ ਸਨਬੰਧੀ ਪਰਵਾਰ ਮਿਤਰ,
ਵੇਖ ਵੇਖ ਪੈ ਹੋਣ ਨਿਹਾਲ ਸੇਹਰਾ।
ਐਪਰ ਨੀਂਘਰ ਦੇ ਤਾਈਂ ਸੁਗੰਧ ਰਾਹੀਂ,
ਪ੍ਰਗਟ ਕਰ ਰਿਹਾ ਏ, ਏਹ ਖਿਆਲ ਸੇਹਰਾ।
ਮੇਰੇ ਹੋਲਿਆਂ ਫੁਲਾਂ ਦੇ ਹੇਠ ਲੁਕੀਆਂ,
ਜ਼ਿਮੇਵਾਰੀਆਂ ਹੁੰਦੀਆਂ ਭਾਰੀਆਂ ਨੇ।
ਉਮਰਾਂ ਭਰ ਲਈ ਚੁਕਨੀਆਂ ਪੈਣ ਪੰਡਾਂ,
ਭਾਵੇਂ ਲਗਦੀਆਂ ਬਹੁਤ ਪਿਆਰੀਆਂ ਨੇ।
੬੬.
