ਇਹ ਪੰਨਾ ਪ੍ਰਮਾਣਿਤ ਕੀਤਾ ਗਿਆ ਹੈ
ਯਾਦਾਂ
ਅਸਲ ਖੇਡ ਗਰਿਸਤ ਦੀ ਬੜੀ ਮੁਸ਼ਕਿਲ,
ਗੁਰੂ ਪੀਰ ਸਾਰੇ ਏਹੋ ਦੱਸਦੇ ਨੇ।
ਏਹਨੂੰ ਖੇਡਨਾਂ ਕੰਮ ਹੈ ਸੂਰਿਆਂ ਦਾ,
ਕਾਇਰ ਪੁਰਸ਼ ਨੇ ਜੋ ਇਸ ਤੋਂ ਨੱਸਦੇ ਨੇ।
ਦੁਖਾਂ ਔਕੜਾਂ ਦੇ ਅੰਦਰ ਖਿੜੇਂ ਰਹਿਨਾ,
ਜਿਵੇਂ ਫੁੱਲ ਸੂਲਾਂ ਅੰਦਰ ਹੱਸਦੇ ਨੇ।
ਰਹਿਨਾ ਮਾਯਾ ਦੇ ਵਿਚ ਨਿਰਲੇਪ ਐਸਾ,
ਜਿਵੇਂ ਜਲ ਅੰਦਰ ਹੰਸ ਵੱਸਦੇ ਨੇ।
ਵਿਚੋਂ ਰਖਨਾ ਚਿਤ ਵਿਰਾਗ ਭਰਿਆ,
ਉਤੋਂ ਰਖਨੇ ਠਾਠ ਸਰਦਾਰਾਂ ਵਾਲੇ।
ਨੀਵੇਂ ਫਲੀ ਟੈਹਣੀ ਵਾਂਗਰ ਝੁਕੇ ਰਹਿਨਾ,
ਉੱਚੇ ਬੜੇ ਰੁਤਬੇ ਦੁਨੀਆਂਦਾਰਾਂ ਵਾਲੇ।
੬੭.
