ਇਹ ਪੰਨਾ ਪ੍ਰਮਾਣਿਤ ਕੀਤਾ ਗਿਆ ਹੈ
ਯਾਦਾਂ
ਹਿੰਦੁਸਤਾਨੀਆਂ ਦੀ ਫੁਟ
ਐਸਾ ਪੁਠਾ ਜ਼ਮਾਨੇ ਨੂੰ ਗੇੜ ਆਇਆ,
ਭਾਈ ਭਾਈ ਤੋਂ ਹੈ ਨਾਂ-ਉਮੈਦ ਹੋਇਆ।
ਪਿਆ ਹਿੰਦੂਆਂ ਦੀ ਅਖੋਂ ਲਊ ਟਪਕੇ,
ਮੁਸਲਮਾਨਾਂ ਦਾ ਲਊ ਸੁਫੈਦ ਹੋਇਆ।
ਪੈਹਨੀ ਚਾਂਦੀ ਦੀ ਹਥਕੜੀ ਖਾਲਸੇ ਨੇ,
ਮਜ਼ਹਬ ਜ਼ੁਲਫ ਸੁਨੈਹਰੀ ਚਿ ਕੈਦ ਹੋਇਆ।
ਰਾਜਾ ਵਾੜ ਬਨਕੇ ਖੇਤ ਖਾਨ ਲਗਾ,
ਵੈਰੀ ਜਾਨ ਦਾ ਆਨ ਕੇ ਵੈਦ ਹੋਇਆ।
ਐਸੇ ਸਮੇਂ ਪਿਆਰ ਮਿਲਾਪ ਵਾਲਾ,
ਗੀਤ ਪਿਆ ਕੁਵੇਲੇ ਦਾ ਰਾਗ ਲੱਗੇ।
ਐਪਰ ਗਾਵਨੋਂ ਟਲੀਂ ਨਾਂ ਮੂਲ ਸ਼ਾਇਰ,
ਮਤੇ ਸ਼ਾਇਰੀ ਕਸਬ ਨੂੰ ਦਾਗ ਲਗੇ।
੭੫.
