ਇਹ ਸਫ਼ਾ ਪ੍ਰਮਾਣਿਤ ਹੈ
ਯਾਦਾਂ
ਸਰਦਾਰ ਧਰਮ ਸਿੰਘ ਦਿਲੀ ਵਾਲੇ
ਧਰਮ ਸਿੰਘ ਸੀ ਨਾਮ ਉਸ ਦੇਵਤੇ ਦਾ,
ਸੋਹਲੇ ਜਿਦੇ ਮੇਰੀ ਕਲਮ ਗਾਉਣ ਲਗੀ।
ਦਿੱਲੀ ਵਿਚ ਰਹਿੰਦਾ, ਸਿਫਤ ਜਿਦੇ ਦਿਲ ਦੀ,
ਦਿਲਾਂ ਵਾਲਿਆਂ ਤਾਈਂ ਸੁਨਾਉਣ ਲੱਗੀ।
ਕੀ ਏਹ ਦਿਲ ਸੀ ਕਿ ਕਾਨ ਨੇਕੀਆਂ ਦੀ,
ਹੀਰੇ ਲਾਲ ਜਵਾਹਰ ਲੁਟਾਉਣ ਲੱਗੀ।
ਕੀ ਏਹ ਦਿਲ ਸੀ ਕਿ ਬੈਹਰ ਖੂਬੀਆਂ ਦਾ,
ਲੈਹਰ ਲੈਹਰ ਜਿਸਦੀ ਲੈਹਰ ਲਾਉਣ ਲੱਗੀ।
ਬਾਜਾਂ ਵਾਲਾ ਹੋ ਗਿਆ ਸੀ ਦਿਲੋਂ ਆਸ਼ਕ,
ਏਸ ਦਿਲ ਤੇ ਜੋ ਟੁਕੜਾ ਮਾਸ ਦਾ ਸੀ।
ਰਹਿਮਤ ਵਸਦੀ ਸੀ ਏਸ ਦਿਲ ਅੰਦਰ,
ਲੋੜਵੰਦਿਆਂ ਨੂੰ ਬਦਲ ਆਸ ਦਾ ਸੀ।
੮੦.
