ਪੰਨਾ:ਯਾਦਾਂ.pdf/93

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ

ਯਾਦਾਂ

ਇਕ ਸਾਂਈਂ


ਇਕ ਫਕਰ ਸਾਂਈਂ ਨੇ ਕਿਹਾ,
ਵੇਸਵਾ ਵੇਖ ਬਜ਼ਾਰ ਅੰਦਰ।
"ਏਹ ਕਿਹਾ ਫਤੂਰ ਮਚਾਇਆ ਈ,
ਸਾਰੇ ਸੰਸਾਰ ਅੰਦਰ।
ਲੱਖ ਲਾਨਤ ਤੇਰੀ ਚਾਲ ਰੂਪ,
ਅਲਮਸਤ ਜਵਾਨੀ ਤੇ।
ਖਲਖਤ ਸਾਰੀ ਚਾ ਜਕੜੀਊ,
ਨਜ਼ਰਾਂ ਦੀ ਤਾਰ ਅੰਦਰ।
ਚਲਦੇ ਗੁਮਰਾਹੇਂ ਹਸ ਹਸਕੇ,
ਨੇਕੀ ਦਾ ਖੂਨ ਕਰੇਂ।
ਵੱਸਦੇ ਬਰਬਾਦ ਜੋ ਕੀਤੇ ਨੀ,
ਨਾ ਆਉਣ ਸ਼ੁਮਾਰ ਅੰਦਰ।
ਅਰਸ਼ਾਂ ਤੋਂ ਭੁੰਜੇ ਚਾ ਡੇਗੇਂ,
ਮਾਸੂਮ ਸ਼ਿਕਾਰ ਕਰੇਂ।
ਅਨਗਿਨਤ ਕਰੀ ਜਾਂਵੇ ਵਾਧੇ,
ਪਾਪਾਂ ਦੇ ਭਾਰ ਅੰਦਰ।"

੮੫.