ਪੰਨਾ:ਯਾਦਾਂ.pdf/97

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ

ਯਾਦਾਂ



ਨੌਜਵਾਨ ਸਿਖਾ!


ਨੌ ਜਵਾਨ ਸਿਖਾ ਬੇਸ਼ਕ ਤੈਨੂੰ,
ਪਿਆ ਕੋਟ ਵੀ ਏ ਪਤਲੂਨ ਵੀ ਏ।
ਹਥ ਘੜੀ ਤੇ ਗਲੇ ਨਕਟਾਈ ਕਾਲਰ,
ਮਲਿਆ ਮੂੰਹ ਤੇ ਖੂਬ ਸਾਬੂਨ ਵੀ ਏ।
ਪਰ ਦਸ ਪਿਛਲੇ ਸਿਖੀ ਸਿਦਕ ਵਾਲਾ,
ਤੇਰੇ ਘਰ ਆਟੇ ਵਿਚੋਂ ਲੂਨ ਵੀ ਏ?
ਬਨਿਆਂ ਫਿਰੇ ਪੁਤਰ ਬਾਜਾਂ ਵਾਲੜੇ ਦਾ,
ਰਗਾਂ ਵਿਚ ਉਸ ਬੀਰ ਦਾ ਖੂਨ ਵੀ ਏ?
ਤੇਰਾ ਮੁਖ ਮੰਤਵ ਦੁਨੀਆਂ ਦੀ ਇਜ਼ਤ,
ਰੰਗ ਮਾਨਨੇ ਐਸ਼ ਅਰਾਮ ਕਰਨਾ।
ਤੈਨੂੰ ਕੌਣ ਦਸੇ? ਤੇਰੇ ਵਡਿਆਂ ਦਾ,
ਆਦਰਸ਼ ਸੀ ਕੌਮ ਦੇ ਮਰਨ ਮਰਨਾ।

੮੯.