ਪੰਨਾ:ਯਾਦਾਂ.pdf/98

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ

ਯਾਦਾਂ

ਮੇਰੇ ਵੀਰ, ਜੇਕਰ ਕੁਦਰਤ ਨੂੰ ਤੇਰਾ,
ਖਾਨਾ ਪਹਿਨਣਾ ਹੀ ਮਨਜ਼ੂਰ ਹੁੰਦਾ।
ਤਾਂ ਫਿਰ ਸਚ ਜਾਨੀ ਤੇਰਾ ਜਨਮ ਜਾਕੇ,
ਕਿਸੇ ਹੋਰ ਹੀ ਮੁਲਕ ਜ਼ਰੂਰ ਹੁੰਦਾ।
ਐਸੀ ਕੌਮ ਅੰਦਰ ਹੁੰਦਾ ਵਾਸ ਜਿਸਨੂੰ,
ਖਾਨ ਪੀਨ ਦਾ ਸਿਰਫ ਸ਼ਹੂਰ ਹੁੰਦਾ।
ਜਿਥੇ ਜਿਸਮ ਦੇ ਸੁਖਾਂ ਦਾ ਰਾਜ ਹੁੰਦਾ,
ਜਿਥੇ ਆਤਮਾ ਦਾ ਮਸਲਾ ਦੂਰ ਹੁੰਦਾ।
ਐਪਰ ਹੁਣ ਜੇਹੜਾ ਤੈਨੂੰ ਹੈ ਮਿਲਿਆ,
ਬਾਜਾਂ ਵਾਲੜੇ ਦਾ ਸਿਖੀ ਮਰਤਬਾ ਹੈ।
ਇਸਦੀ ਤਹਿ ਅੰਦਰ ਕਾਰਣ ਹੈ ਕੋਈ,
ਹਿਕਮਤ ਹੈ ਕੋਈ, ਕੋਈ ਫਲਸਫਾ ਹੈ।

੯o.