ਪੰਨਾ:ਯਾਦਾਂ.pdf/99

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ

ਯਾਦਾਂ

ਜੇ ਵਿਚਾਰ ਵਾਲੀ ਦੂਰਬੀਨ ਲਾਕੇ,
ਏਸ ਜਗ ਅੰਦਰ ਝਾਤੀ ਮਾਰਦੋਂ ਤੂੰ।
ਤੇਰੇ ਸ਼ਕ ਸ਼ਿਕਵੇਂ ਸਾਰੇ ਦੂਰ ਹੁੰਦੇ,
ਵਾਹ ਵਾਹ ਹੀ ਪਿਆ ਪੁਕਾਰਦੋਂ ਤੂੰ।
ਜਿਥੇ ਰਖਿਆ ਗਿਆ ਹੈ, ਠੀਕ ਹੈ ਥਾਂ,
ਤੇਰੇ ਲਈ ਇਹੋ ਨਿਸਚਾ ਧਾਰਦੋਂ ਤੂੰ।
ਆਸ਼ਾ ਜਿੰਦਗੀ ਦਾ ਤੈਨੂੰ ਨਜ਼ਰ ਆਉਂਦਾ,
ਜੀਵਨ ਓਸ ਅਨੁਸਾਰ ਗੁਜ਼ਾਰਦੋਂ ਤੂੰ।
ਤੈਨੂੰ ਸੁਜਦੇ ਨਾ ਫੇਰ ਟਾਈ ਕਾਲਰ,
ਵਜਾ ਕਤਾ ਹੁੰਦੀ ਹੋਰ ਯਾਰ ਤੇਰੀ।
ਬੈਠੇ ਉਠਦਿਆਂ, ਸੌਂਂਦਿਆਂ ਹੋਰ ਹੀ ਥਾਂ,
ਕਿਤੇ ਵੱਜਦੀ ਸੁਰਤ ਦੀ ਤਾਰ ਤੇਰੀ।

੯੧.