ਯੂਸਫ਼ ਜ਼ੁਲੈਖਾ
59
ਸੁਣੀ ਦੁਆ ਯੂਸਫ਼ ਦੀ ਰੱਬ ਨੇ, ਹੁਕਮ ਹੋਇਆ ਸਿਤਾਰੀ।
ਖੋਲ੍ਹ ਦਰਵਾਜ਼ੇ ਜਾਇ ਅਗਾਹਾਂ, ਮੈਂ ਕਰਮਾਂ ਤੁਧ ਗੁਜ਼ਾਰੀ।495।
ਪਿੱਛੋ ਕੰਧ ਯੂਸਫ਼ ਦੇ ਆਹੀ, ਅੱਗੇ ਭਾਹ ਅਲੰਬੇ[1]।
ਸਾਰੇ ਕੁਫ਼ਲ[2] ਹੋਏ ਦਰਬੰਦੀ, ਦੇਹੀ ਥਰ ਥਰ ਕੰਬੇ।496।
ਖੌਫ਼ ਰੱਬੇ ਦਿਓਂ ਡਰਿਆ ਯੂਸਫ਼, ਬੀਬੀ ਦੋੜੀ ਆਵੇ।
ਜਿਸ ਦਰਵਾਜ਼ੇ ਪਹੁੰਚੇ ਯੂਸਫ਼, ਖੁਲ੍ਹ ਅਗਾਹਾਂ ਜਾਵੇ।497।
ਪਿਛੋਂ ਦੌੜ ਜ਼ੁਲੈਖਾ ਫੜਿਆ, ਹੱਥ ਪੈਰਾਹਨ[3]ਪਾਇਆ।
ਪਾੜ ਲਇਆ ਪੈਰਾਹਨ ਪਿਛੋਂ, ਯੂਸਫ਼ ਹੱਥ ਨ ਆਇਆ।498।
ਉਹ ਲੰਘ ਦਰਵਾਜ਼ੇ ਸੱਤੇ ਗਿਆ, ਨਿਕਲ ਗਇਆ ਅਗਾਹਾਂ।
ਹੱਥੋਂ ਛੁੜਕ ਗਇਓਸੁ ਯੂਸਫ਼, ਦੰਦੀ ਵੱਢੇ ਬਾਹਾਂ।499।
4
ਅੱਗੋਂ ਮਿਲਿਆ ਅਜ਼ੀਜ਼ ਯੂਸਫ਼ ਨੂੰ, ਡਿਠੇਸੁ ਮੂੰਹ ਕੁਮਲਾਣੇ।
ਉਂਗਲ ਫੜ ਕੇ ਗਲਾਂ ਕਰਦੀ, ਪਹੁੰਚੀ ਜਾਇ ਠਿਕਾਣੇ।500।
ਪੁੱਛ ਅਜ਼ੀਜ਼ ਰਹਿਆ ਬਹੁਤੇਰਾ, ਧੰਨ ਯੂਸਫ਼ ਦਾ ਜ਼ਰਨਾ।
ਪਰ ਕਿਚਰਕ[4] ਰਾਜ਼ ਛੁਪਾਵੇ ਯੂਸਫ਼, ਜਾਂ ਰੱਬ ਜ਼ਾਹਿਰ ਕਰਨਾ।501।
ਦਿਲ ਵਿੱਚ ਫਿਕਰ ਜ਼ੁਲੈਖਾ ਕੀਤਾ, ਯੂਸਫ਼ ਵੇਖਦਿਆਂ ਹੀ।
ਉਹ ਜੋ ਸਦ ਅਜ਼ੀਜ਼ ਲਿਆਵੇ, ਖੈਰ ਆਵਣ ਵਿਚ ਨਾਹੀਂ।502।
