ਪੰਨਾ:ਰਾਜਾ ਧਿਆਨ ਸਿੰਘ.pdf/100

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ


ਇਸ਼ਾਰਾ ਕੀਤਾ, ਉਸ ਦੇ ਨਾਲ ਹੀ ਕੁਝ ਤਲਵਾਰਾਂ ਉਪਰ ਉਠੀਆਂ ਤੇ ਦੋਹਾਂ ਪਹਿਰੇਦਾਰਾਂ ਦੇ ਸਿਰ ਵਖ ਹੋ ਕੇ ਧਰਤੀ ਪਰ ਆਣ ਡਿਗੇ ਹਨੇਰੇ ਵਿਚ ਇਹ ਨਹੀਂ ਪਤਾ ਲਗਾ ਕਿ ਇਹ। ਵਾਰ ਕਿਸ ਨੇ ਕੀਤਾ।
ਇਸ ਖੂਨੀ-ਕਾਂਡ ਤੋਂ ਪਿਛੋਂ ਦਰਵਾਜ਼ਾ ਖੋਹਲ ਕੇ ਇਹ ਧਾੜ ਮਹੱਲ ਵਿਚ ਜਾ ਵੜੀ । ਮਹਾਰਾਜਾ ਖੜਕ ਸਿੰਘ ਦਾ ਗੜਵਈ ਮਹਾਰਾਜ ਦੀ ਹਜ਼ੂਰੀ ਵਿਚੋਂ ਨਿਕਲ ਕੇ ਆਪਣੇ ਸੌਣ ਵਾਲੇ ਕਮਰੇ ਵਲ ਜਾ ਰਿਹਾ ਸੀ । ਪੂਰਬੀ ਪਹਿਰੇਦਾਰਾਂ ਦੀਆਂ ਚੀਕਾਂ ਤੇ ਧਿਆਨ ਸਿੰਘ ਦੀ ਗਰਜਵੀਂ ਅਵਾਜ਼ ਨੇ ਉਸ ਦਾ ਦਿਲ ਹਿਲਾ ਦਿੱਤਾ। ਉਸ ਨੇ ਅਨਭਵ ਕਰ ਲਿਆ ਕਿ ਇਹ ਧਾੜ ਸੁਖ ਦੀ ਨਹੀਂ ਆਈ ਸਗੋਂ ਉਸ ਦੇ ਮਾਲਕ ਦੇ ਖੁਨ ਦੀ ਤਿਹਾਈ ਬਣ ਕੇ ਆਈ ਏ, ਉਹ ਆਪਣੇ ਕਮਰੇ ਵਲ ਜਾਂਦਾ ਜਾਂਦਾ ਫੇਰ ਪਰਤ ਪਿਆ ਤੇ ਮਾਲਕ ਨੂੰ ਖਬਰ ਦੇਣ ਲਈ ਪੂਰੇ ' ਜ਼ੋਰ ਨਾਲ ਮਹਾਰਾਜਾ ਖੜਕ ਸਿੰਘ ਦੇ ਸੌਣ ਵਾਲੇ ਕਮਰੇ ਵਲੋਂ ਦੌੜਿਆ ਪਰ ਹਾਲਾਂ ਉਹ ਬਡ ਪਾਸ ਭੀ ਨਹੀਂ , ਪੁਜਿਆ ਸੀ ਕਿ ਛਰਰ ਕਰਦੀ ਇਕ ਗੋਲੀ ਉਸ ਦੀ ਪਿਠ ਪਰ ਲਗੀ ਤੇ ਉਹ ਜ਼ਮੀਨ ਪਰ ਢਹਿ ਕੇ ਆਖਰੀ ਦਮ ਤੋੜਨ ਲਗ ਪਿਆ ।
 ‘‘ ਤੂੰ ਤਾਂ ਨਿਮਕ ਹਲਾਲੀ ਦਾ ਫਲ ਲੈ ਲੈ ? ’’ ਧਿਆਨ ਸਿੰਘ ਕਹਿ ਰਿਹਾ ਸੀ ।
ਮਹਾਰਾਜਾ ਖੜਕ ਸਿੰਘ ਤੇ ਸ੍ਰਦਾਰ ਚੇਤ ਸਿੰਘ ਨਾਲ ਨਾਲ ਦੋ ਪਲੰਗਾਂ ਪਰ ਸੁਤੇ ਹੋਏ ਸਾਰੀ ਦੁਨੀਆ ਦੇ ਫਿਕਰ ਫਾਕੇ ਕੁਲ ਕੋ ਨੀਂਦ ਦੇ ਸੂਵਰਗੀ ਹੁਲਾਰੇ ਲੈ ਰਹੇ ਸਨ । ਇਸ ਤੋਂ ਕੁਝ ਘੰਟੇ ਪਹਿਲਾਂ ਉਹ ਇਹ ਫੈਸਲਾ

-੯੬-