ਪੰਨਾ:ਰਾਜਾ ਧਿਆਨ ਸਿੰਘ.pdf/126

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ


ਸ੍ਰਦਾਰਾਂ ਦੇ ਦਿਲ ਵਿਚ ਗੱਲ ਬੈਠ ਚੁਕੀ ਸੀ ਕਿ ਜਦ ਤਕ ਡੋਗਰਾ ਗਰਦੀ ਨੂੰ ਖਤਮ ਨਹੀਂ ਕੀਤਾ ਜਾਂਦਾ, ਤਦ ਤਕ ਸਿਖ ਰਾਜ ਦੀ ਖੈਰ ਨਹੀਂ ਤੇ ਉਹ ਪੂਰੀ ਤਾਕਤ ਤੇ ਪੂਰੀ ਸਿਆਣਪ ਨਾਲ ਇਸ ਕੰਮ ਵਿਚ ਜੁਟੇ ਹੋਏ ਸਨ।
ਦੂਜੇ ਪਾਸੇ ਰਾਜਾ ਧਿਆਨ ਸਿੰਘ ਵੀ ਚੁੱਪ ਨਹੀਂ ਬੈਠਾ ਹੋਇਆ, ਉਹ ਮਹਾਰਾਜਾ ਨੌਨਿਹਾਲ ਸਿੰਘ, ਸੰਧਾਵਾਲੀਆਂ ਅਤੇ ਹੋਰ ਸਰਦਾਰਾਂ ਦੀਆਂ ਚਾਲਾਂ ਤੋਂ ਪੂਰੀ ਤਰਾਂ ਖਬਰਦਾਰ ਏ ਤੇ ਸਿਆਣੇ ਘੁਲਾਟੀਏ ਵਾਂਗ ਸੋਚ ਰਿਹਾ ਹੈ ਕਿ ਕਿਹੜਾ ਦੁਅ ਵਰਤ ਕੇ ਉਨ੍ਹਾਂ ਸਾਰਿਆਂ ਦੀ ਪਿਠ ਲਾਵੇ। ਗੁਲਾਬ ਸਿੰਘ ਪਾਸੋਂ ਮਹਾਰਾਜਾ ਨੌਨਿਹਾਲ ਸਿੰਘ ਨੇ ਖਾਲਸਾ ਫੌਜ ਦੁਵਾਰਾ ਖਾਮਲਾ ਕੀ ਉਗਰਾਇਆ, ਡੋਗਰਾ ਸ੍ਰਦਾਰਾਂ ਦੇ , ਦਿਲਾਂ ਵਿਚ ਬਦਲੇ ਦੇ ਭਾਂਬੜ ਬਾਲ ਦਿਤੇ ਤੇ ਉਹ ਵਧੇਰੇ ਸਰਗਰਮੀ ਨਾਲ ਲਾਹੌਰ ਦੇ ਰਾਜ ਤਖਤ ਪਰ ਕਬਜ਼ਾ ਕਰਨ ਤੇ ਰਾਜ ਘਰਾਣੇ ਨੂੰ ਖਤਮ ਕਰਨ ਦੀਆਂ ਗੋਂਦਾਂ ਗੁੰਦਣ ਵਿਚ ਰੁਝ ਗਏ । ਰਾਜਾ ਗੁਲਾਬ ਸਿੰਘ ਭੀ ਜਮੁ ਤੋਂ ਲਾਹੌਰ ਆ ਟਿਕਿਆ ! ਰਾਜਾ ਸੁਚੇਤ ਸਿੰਘ ਤੇ ਰਾਜਾ ਹੀਰਾ ਸਿੰਘ ਸਨ ਹੀ ਉਥੇ । ਜਨਰਲ ਗਾਰਡਨਰ ਤੇ ਕੁਝ ਹੋਰ ਡੋਗਰਾ ਦਾਰ ਉਨ੍ਹਾਂ ਦਾ ਪੂਰੀ ਤਰਾਂ ਹਥ ਠੋਕਾ ਬਣੇ ਹੋਏ ਸਨ। ਜਨਰਲ ਗਾਰਡਨਰ ਇਕ ਯੂਰਪੀਨ ਜਰਨੈਲ ਸੀ। ਇਤਿਹਾਸਕਾਰ ਕਹਿੰਦੇ , ਹਨ ਕਿ ਉਹ ਅੰਗੇਜ਼ਾਂ ਦੇ ਇਸ਼ਾਰੇ ਪਰ ਰਾਜ ਘਰਾਣੇ ਦੀ ਬਰਬਾਦੀ ਲਈ ਧਿਆਨ ਸਿੰਘ ਦਾ ਸਾਥ ਦੇ ਰਿਹਾ ਸੀ । ਇਹ ਗੱਲ ਸੱਚੀ ਹੈ ਜਾਂ ਨਹੀਂ, ਅਸੀਂ ਇਥੇ ਇਸ ਬਹਿਸ ਵਿਚ ਨਹੀਂ ਪੈਂਦੇ ਪਰ ਇਹ ਗਲ ਸਪਸ਼ਟ ਹੈ ਕਿ ਫੌਜ ਵਿਚ ਜਨਰਲ ਗਾਰਡਨਰ

-੧੨੪-