ਪੰਨਾ:ਰਾਜਾ ਧਿਆਨ ਸਿੰਘ.pdf/129

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ


 ‘‘ ਇਸ ਤੋਂ ਬਿਨਾ ਚਾਰਾ ਹੀ ਕੋਈ ਨਹੀਂ ਭਾਈਆ । ’’ ਧਿਆਨ ਸਿੰਘ ਨੇ ਉਤਰ ਦਿਤਾ।
 ‘‘ ਪਰ ਕੰਮ ਵਧੇਰੇ ਇਹਤਿਆਤ ਨਾਲ ਕਰਨਾ । ਮੇਰੀ ਸਲਾਹ ਏ ਮੇਂ ਹਾਲਾਂ ਜਖੁ ਚਲਿਆ ਜਾਵਾਂ, ਤਾਕਿ ਜੇ ਗਲ ਵਿਗੜ ਜਾਵੇ ਤਾਂ ਕੋਈ ਹੋਰ ਪ੍ਰਬੰਧ ਕਰ ਸਕਾਂ । ’’ ਗੁਲਾਬ ਸਿੰਘ ਨੇ ਇਹ ਗਲ ਕੁਝ ਹੌਲੀ ਜਿਹੀ ਕਹੀ ।
 ‘‘ ਸਿਆਣੀ ਗਲ ਏ ਭਾਈਆ ਪਰ ਬਹੁਤਾ ਫਿਕਰ ਨਹੀਂ ਕਰਨਾ । ਤੁਹਾਡੇ ਧਿਆਨ ਸਿੰਘ ਦੇ ਸਾਹਮਣੇ ਅਖ ਉਚੀ ਕਰਨ ਵਾਲਾ ਕੋਈ ਪੁਤ ਹਾਲਾਂ ਤਕ ਕਿਸੇ ਮਾਂ ਨੇ ਨਹੀਂ ਜੰਮਿਆਂ। ’’ ਧਿਆਨ ਸਿੰਘ ਨੇ ਬੜੇ ਠਰੰਮੇ ਦੇ ਜੋਸ਼ ਨਾਲ ਕਿਹਾ ।
ਇਸ ਦੇ ਪਿਛੋਂ ਇਨਾਂ ਏਧਰ ਓਧਰ ਦੀਆਂ ਗੱਲਾਂ ਛੋਹ ਦਿਤੀਆਂ ਤੇ ਵੇਖਦੇ ਹੀ ਵੇਖਦੇ ਸ਼ਹਿਰ ਵਿਚ ਵੜ ਕੇ ਅਖਾਂ ਤੋਂ ਉਹਲੇ ਹੋ ਗਏ ।

---੦---

-੧੨੭-