ਸ਼ੇਰ ਸਿੰਘ ਦੇ ਨਾਮ ਪਰ ਇਕ ਤਰ੍ਹਾਂ ਨਾਲ ਰਾਜਾ ਧਿਆਨ ਸਿੰਘ ਹੀ ਪੰਜਾਬ ਦਾ ਖੁਦਮੁਖਤਾਰ ਬਾਦਸ਼ਾਹ ਸੀ । ਉਸ ਦੇ ਹੱਥ ਵਿਚ ਹੀ ਇਸ ਵਿਸ਼ਾਲ ਰਾਜ ਦੀ ਸਿਆਹੀ ਸੀ ਤੇ ਉਸ ਦੇ ਹੱਥ ਵਿਚ ਹੀ ਸੁਫੈਦੀ ।
੧੭.
ਏਧਰ ਤਾਂ ਇਹ ਹੋ ਰਿਹਾ ਏ ਤੇ ਆਓ ਓਧਰ ਵੇਖੀਏ ਮਹਾਰਾਜਾ ਖੜਕ ਸਿੰਘ ਤੇ ਮਹਾਰਾਜਾ ਨੌਨਿਹਾਲ ਸਿੰਘ ਦੇ ਪ੍ਰਵਾਰ ਨਾਲ ਕੀ ਬਣਦੀ ਏ। ਉਪਰਲੇ ਕਾਂਡ ਵਿਚ ਪਾਠਕ ਇਹ ਤਾਂ ਪੜ੍ਹ ਹੀ ਆਏ ਹਨ ਕਿ ਮਹਾਰਾਜਾ ਸ਼ੇਰ ਸਿੰਘ ਨੂੰ ਰਾਜਾ ਧਿਆਨ ਸਿੰਘ ਨੇ ਪੂਰੀ ਤਰ੍ਹਾਂ ਹੱਥ ਵਿਚ ਕਰ ਰਖਿਆ ਸੀ, ਉਹ ਸ਼ੇਰੇ ਪੰਜਾਬ ਦੇ ਪ੍ਰਵਾਰ ਦੇ ਇਕ ਇਕ ਜੀ ਨੂੰ ਅਗਲੀ ਦੁਨੀਆਂ ਵਿਚ ਭੇਜ ਕੇ ਹੀਰਾ ਸਿੰਘ ਲਈ ਪੰਜਾਬ ਦਾ ਤਖਤ ਵੇਹਲਾ ਰਨਾ ਚਾਹੁੰਦਾ ਸੀ ਤੇ ਇਸ ਲਈ ਮਹਾਰਾਜਾ ਸ਼ੇਰ ਸਿੰਘ ਨੂੰ ਹੱਥ ਠੋਕਾ ਬਨਾਉਣ ਦਾ ਯਤਨ ਕਰ ਰਿਹਾ ਸੀ । ਇਕ ਦਿਨ ਜਦ ਕਿ ਕਿਲੇ ਦੇ ਦੀਵਾਨ ਖਾਨੇ ਵਿਚ ਮਹਾਰਾਜਾ ਸ਼ੇਰ ਸਿੰਘ ਤੇ ਰਾਜਾ ਧਿਆਨ ਸਿੰਘ ਬੈਠੇ ਹੋਏ ਸਨ ਤਾਂ ਧਿਆਨ ਸਿੰਘ ਨੇ ਕਹਿਣਾ ਸ਼ੁਰੂ ਕੀਤਾ:-
‘‘ ਮਹਾਰਾਜਾ ਪਤਾ ਜੇ ਨੌਨਿਹਾਲ ਸਿੰਘ ਦੀ ਔਰਤ ਨੂੰ ਬੱਚਾ ਹੋਣ ਵਾਲਾ ਏ । ’’
‘‘ ਫੇਰ ਕੀ ਹੋਇਆ ? ’’ ਮਹਾਰਾਜੇ ਨੇ ਆਖਿਆ।
-੧੫੫-
