ਪੰਨਾ:ਰਾਜਾ ਧਿਆਨ ਸਿੰਘ.pdf/26

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ


‘‘ਧੰਨਵਾਦ ਸਰਕਾਰ।’’

‘‘ਨਹੀਂ ਇਕਰਾਰ ਪੂਰਾ ਕਰਨਾ ਮਰਦ ਦਾ ਕੰਮ ਏ।’’

ਉਸੇ ਦਿਨ ਗੁਲਾਬ ਸਿੰਘ ਨੇ ਰਾਜਾ ਧਿਆਨ ਸਿੰਘ ਨੂੰ ਇਕ ਖਾਸ ਏਲਚੀ ਦੇ ਹੱਥ ਚਿੱਠੀ ਭੇਜੀ ਕਿ ..........ਇਹ ਕੰਡਾ ਨਿਕਲ ਗਿਆ ਹੈ ਵਧਾਈ।

............

ਆਪਣੇ ਸ਼ਾਹੀ ਮਹੱਲ ਵਿਚ ਸ਼ੇਰੇ ਪੰਜਾਬ ਮਹਾਰਾਜਾ ਰਣਜੀਤ ਸਿੰਘ ਸਵੇਰੇ ਦਾਤਣ ਕਰ ਰਹੇ ਸਨ। ਚਾਂਦੀ ਦਾ ਪਾਣੀ ਨਾਲ ਭਰਿਆ ਹੋਇਆ ਗੜਵਾ ਇਕ ਹੱਥ ਵਿਚ ਸੀ ਤੇ ਦੂਜੇ ਹੱਥ ਵਿਚ ਦਾਤਣ, ਪਰੰਤੁ ਡਾਢੀ ਚਿੰਤਾ ਵਿਚ ਸਨ। ਜਮਰੋਦ ਤੋਂ ਸ: ਮਹਾਂ ਸਿੰਘ ਦਾ ਏਲਚੀ ਹੁਣੇ ਹੁਣੇ ਹੀ ਆਇਆ ਸੀ, ਜਿਸ ਨੇ ਸਰਦਾਰ ਹਰੀ ਸਿੰਘ ਨਲੂਏ ਦੀ ਮੌਤ ਦੀ ਖਬਰ ਦਿਤੀ ਸੀ। ਮਹਾਰਾਜਾ ਸਾਹਿਬ ਨੂੰ ਇਸ ਬਹਾਦਰ ਜਰਨੈਲ ਦੀ ਮੌਤ ਨਾਲ ਜਿੰਨੀ ਵਧੇਰੇ ਚੋਟ ਲੱਗੀ ਸੀ, ਇਸ ਤੋਂ ਪਹਿਲਾਂ ਕਦੇ ਨਹੀਂ ਲੱਗੀ ਸੀ। ਧਿਆਨ ਸਿੰਘ ਨੂੰ ਬੁਲਾਉਣ ਲਈ ਚੋਬਦਾਰ ਭੇਜਿਆ ਹੋਇਆ ਸੀ ਪਰ ਉਹ ਹਾਲਾਂ ਤੀਕ ਨਹੀਂ ਪੁਜਿਆ। ਮਹਾਰਾਜਾ ਉਤਾਵਲੇ ਹੋ ਕੇ ਬਾਹਰ ਵਲ ਵੇਖ ਰਹ ਹਨ।

ਧਿਆਨ ਸਿੰਘ ਆ ਗਿਆ ਉਸ ਨੇ ਦਸਤੂਰ ਮੂਜਬ। ਮਹਾਰਾਜਾ ਸਾਹਿਬ ਦੇ ਪੈਰਾਂ ਪਰ ਸਿਰ ਧਰ ਕੇ ਮੱਥਾ ਟੇਕਿਆ। ਸ਼ੇਰੇ ਪੰਜਾਬ ਇਸ ਸਮੇਂ ਡਾਢੀ ਗੰਭੀਰ ਸੂਰਤ ਵਿਚ ਚੁਪ ਚਾਪ ਬੈਠ ਸਨ, ਜਿਸ ਨੂੰ ਵੇਖ ਕੇ ਧਿਆਨ ਸਿੰਘ ਅੰਦਰ ਹੀ ਅੰਦਰ ਡਰ ਗਿਆ। ਚੋਰ ਦੀ ਦਾਹੜੀ ਵਿਚ ਤਿਣਕੇ ਵਾਲੀ ਗੱਲ।

ਆਖਰ ਸ਼ੇਰੇ ਪੰਜਾਬ ਨੇ ਖਾਮੋਸ਼ੀ ਤੋੜਦੇ ਹੋਇਆਂ

-੨੨-