ਇਹ ਸਫ਼ਾ ਪ੍ਰਮਾਣਿਤ ਹੈ
ਪੁਛਿਆ-“ਜਮਰੋਦ ਤੋਂ ਕੋਈ ਖਬਰ?’’
‘‘ਜੀ, ਜੀ...... ...!’’
‘‘ਕੀ ਜੀ............?’’
‘‘ਹਰੀ ਸਿੰਘ...........?’’
‘‘ਪਾਮਰਾਂ ਅਜੇ ਤਕ ਸਾਨੂੰ ਕਿਉਂ ਨਹੀਂ ਦੱਸਿਆ’’ ਸ਼ੇਰੇ ਪੰਜਾਬ ਨੇ ਗੜਵਾ ਧਿਆਨ ਸਿੰਘ ਦੇ ਮੂੰਹ ਤੇ ਮਾਰਦੇ ਹੋਏ ਕਿਹਾ। ਉਹ ਖੜਾ ਥਰ ਥਰ ਕੰਬ ਰਿਹਾ ਸੀ।
‘‘ਬੇਈਮਾਨਾਂ ਤੇਰੇ ਦਿਲ ਦੀ ਮੁਰਾਦ ਪੂਰੀ ਹੋ ਹੋਈ। ਸਾਨੂੰ ਪਤਾ ਏ ਤੂੰ ਰਾਜ ਦਾ ਦੁਸ਼ਮਣ ਏ। ਕਿਸੇ ਨੂੰ ਵੇਖ ਨਹੀਂ ਸੁਖਾਉਂਦਾ। ‘‘ਤੇਰਾ ਬੁਰਾ ਹੋਵੇ।’’
ਧਿਆਨ ਸਿੰਘ ਹਾਲਾਂ ਭੀ ਕੰਬ ਰਿਹਾ ਸੀ। ਸ਼ੇਰੇ ਪੰਜਾਬ ਨੇ ਫੇਰ ਕਿਹਾ..........ਦੁਸ਼ਟਾ! ਹਟ ਜਾ ਸਾਡੇ ਸਾਹਮਣਿਓਂ। ਜਾ ਜਮਰੋਦ ਦੀ ਮੁਹਿੰਮ ਪੂਰੀ ਤਰ੍ਹਾਂ ਸਰ ਕਰਕੇ ਆ। ਨਹੀਂ ਤਾਂ ਮੈਨੂੰ ਸ਼ਕਲ ਨਹੀਂ ਵਿਖਾਉਣੀ। ਦੂਰ ਹੋ ਪਾਂਮਰਾ।’’
ਸ਼ੇਰੇ ਪੰਜਾਬ ਦੇ ਗੁਸੇ ਤੋਂ ਡਰਦਾ ਤੇ ਕੰਬਦਾ ਧਿਆਨ ਸਿੰਘ ਮਹੱਲ ਵਿਚੋਂ ਨਿਕਲ ਗਿਆ ਤੇ ਏਸੇ ਦਿਨ ਸੁਚੇਤਸਿੰਘ ਤੇ ਕੁਝ ਹੋਰ ਸਰਦਾਰਾਂ ਸਮੇਤ ਜਮਰੋਦ ਨੂੰ ਰਵਾਨਾ ਹੋ ਗਿਆ।
-੨੩-