ਬਾਬੇ ਨੇ ਮੱਕਾ ਫੇਰਿਆ
ਪੰਜਾਬ ਦੇ ਲੋਕ ਗੀਤਾਂ ਵਿੱਚ ਭਾਂਤ ਭਾਂਤ ਦੇ ਵਿਸ਼ੇ ਮਿਲਦੇ ਹਨ। ਪਿਆਰ ਦਾ ਵਿਸ਼ਾ ਤਾਂ ਖ਼ੈਰ ਗੀਤਾਂ ਵਿੱਚ ਹੋਣਾ ਹੀ ਹੋਇਆ। ਇਸ ਤੋਂ ਬਿਨਾ ਵਿਛੋੜੇ, ਉਡੀਕਾਂ, ਅਨਜੋੜ ਪਤੀ, ਸੱਸ, ਦਿਓਰ, ਸਹੁਰਾ, ਜੇਠ, ਵੀਰ, ਮਾਂ, ਚਰਖਾ, ਕਸੀਦਾ, ਵਾਹੀ ਜੋਤੀ ਸੈਂਕੜੇ ਵਿਸ਼ੇ ਹਨ ਇਨ੍ਹਾਂ ਗੀਤਾਂ ਦੇ। ਧਰਮ ਨੂੰ ਵੀ ਇਨ੍ਹਾਂ ਗੀਤਾਂ ਵਿੱਚ ਪਿਛੇ ਨਹੀਂ ਛਡਿਆ ਗਿਆ। ਅੱਲਾ ਦੇ ਨਾਂ ਨਾਲ ਕਈ ਬੋਲੀਆਂ ਅਰੰਭ ਹੁੰਦੀਆਂ ਹਨ ਤੇ ਉਨ੍ਹਾਂ ਵਿੱਚ ਸਾਰਿਆਂ ਨੂੰ ਫ਼ਤਿਹ ਬੁਲਾਈ ਜਾਂਦੀ ਹੈ। ਵਖ ਵਖ ਧਾਰਮਕ ਪਾਤਰਾਂ ਦਾ ਵਰਨਣ ਲੋਕ ਗੀਤਾਂ ਵਿੱਚ ਇਉਂ ਆਉਂਦਾ ਹੈ।
ਪ੍ਰਮਾਤਮਾ
ਦੁਨੀਆਂ 'ਚ ਬਹੁਤ ਥੋੜੇ ਲੋਕੀ ਹੀ ਹੋਣਗੇ ਜਿਹੜੇ ਪ੍ਰਮਾਤਮਾ ਦੀ ਹੋਂਦ ਤੋਂ ਮੁਨਕਰ ਹੋਣ। ਭਾਰਤ ਵਿੱਚ ਤਾਂ ਬਹੁ-ਗਿਣਤੀ ਉਨ੍ਹਾਂ ਲੋਕਾਂ ਦੀ ਹੈ ਜਿਹੜੇ ਰੱਬ ਦੀ ਹੋਂਦ ਵਿੱਚ ਹੀ ਵਿਸ਼ਵਾਸ਼ ਨਹੀਂ ਕਰਦੇ ਸਗੋਂ ਸ਼ਰਧਾ ਨਾਲ਼ ਪੂਜਦੇ ਵੀ ਹਨ। ਪੰਜਾਬ ਦੇ ਲੋਕ ਗੀਤਾਂ ਵਿੱਚ ਪ੍ਰਮਾਤਮਾ ਲਈ ਸ਼ਰਧਾ ਤੇ ਸਤਿਕਾਰ ਕੁਟ ਕੁਟ ਕੇ ਭਰਿਆ ਪਿਆ ਹੈ:-
ਅੱਲਾ ਵਾਹਿਗੁਰੂ ਖ਼ੁਦਾ ਦਾ ਨਾਮ ਇਕ ਹੈ
ਭਰਮਾ 'ਚ ਪੈਗੀ ਦੁਨੀਆਂ
ਪਿੰਗਲਾ ਪਹਾੜ ਚੜ੍ਹ ਜਾਵੇ
ਕਿਰਪਾ ਜੇ ਹੋਵੇ ਤੇਰੀ ਦਾਤਾ ਜੀ
ਰੋਟੀ ਦਿੰਦਾ ਹੈ ਪੱਥਰ ਵਿੱਚ ਕੀੜੇ ਨੂੰ
ਤੈਨੂੰ ਕਿਉਂ ਨਾ ਦੇਵੇ ਬੰਦਿਆ
ਢੇਰੀਆਂ ਮੈਂ ਸਭੇ ਢਾਹਕੇ
ਲੋਕ ਗੀਤਾਂ ਦੀ ਸਮਾਜਿਕ ਵਿਆਖਿਆ / 118
