ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
ਫੇਰ ਗਈ ਪਟਿਆਲੇ ਦਿੱਲੀ ਆਲੇ ਦੀ ਕੰਜਰੀ ਮਰਗੀ ਲੈਗੀ ਰੌਣਕਾਂ ਨਾਲੇ ਪਟਿਆਲੇ ਆਲੇ ਦੇ ਘੋੜੇ ਮਰਗ ਲਾਲ ਲਗਾਮਾਂ ਵਾਲੇ ਲੱਡੂ ਜਲੇਬੀ ਗਲੀਏਂ ਰੁਲਦੇ ਗੰਨੇ ਨਾ ਮਿਲਦੇ ਭਾਲੇ ਮੋਤੀ ਚੁਗ ਲੈ ਨੀ-- ਕੂੰਜ ਪਤਲੀਏ ਨਾਰੇ
ਕਿਧਰੇ ਰਾਂਝਾ ਆਪਣੀ ਕੂੰਜ ਜਿਹੀ ਹੀਰ ਨੂੰ ਗਿੱਧੇ 'ਚ ਨੱਚਣ ਲਈ ਹਾਰ ਸ਼ਿੰਗਾਰ ਲਗਾਉਣ ਵਾਸਤੇ ਆਖ ਦੇਂਦਾ ਹੈ:-
ਰਾਂਝੇ ਦਾ ਕਹਿਣਾ ਮੰਨ ਲੈ ਹੀਰੇ ਹਾਰ ਸ਼ਿੰਗਾਰ ਲਗਾਈਂ ਪੁੰਨਿਆ ਦਾ ਚੰਦ ਆਪੇ ਚੜ੍ਹਜੂ ਰੂਪ ਦੀ ਛਹਿਬਰ ਲਾਈਂ ਕੁੜੀਆਂ ਨੂੰ ਸੱਦ ਕੇ ਗਿੱਧਾ ਪੁਆਈਂ ਸੁੱਤੀਆਂ ਕਲਾਂ ਜਗਾਈਂ ਸ਼ੌਕ ਨਾਲ ਨੱਚਕੇ ਨੀ ਦਿਲ ਦੀਆਂ ਖੋਹਲ ਸੁਣਾਈਂ
ਗੋਰੀ ਆਪਣੇ ਰਾਂਝੇ ਲਈ ਹਾਰ ਸ਼ਿੰਗਾਰ ਲਗਾ ਕੇ ਗਿੱਧੇ ਦੇ ਪਿੜ ਵਿੱਚ ਧੁੰਮਾਂ ਪਾ ਦੇਂਦੀ ਹੈ:-
ਹੀਰ ਨੇ ਸੱਦੀਆਂ ਸੱਭੇ ਸਹੇਲੀਆਂ ਸਭ ਦੀਆਂ ਨਵੀਆਂ ਪੁਸ਼ਾਕਾਂ ਗਹਿਣੇ ਗੱਟੇ ਸਭ ਦੇ ਸੋਂਹਦੇ ਮੈਂ ਹੀਰ ਗੋਰੀ ਵਲ ਝਾਕਾਂ ਕੰਨੀ ਹੀਰ ਦੇ ਸਜਣ ਕੋਕਰੂ ਪੈਰਾਂ ਦੇ ਵਿੱਚ ਬਾਂਕਾਂ ਗਿੱਧੇ ਦੀਏ ਪਰੀਏ ਨੀ -ਲੋਕ ਗੀਤਾਂ ਦੀ ਸਮਾਜਿਕ ਵਿਆਖਿਆ / 171
