ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
ਉੱਤੇ ਪੀਲਾ ਰੰਗ,
ਜਿਹੜਾ ਮੇਰੀ ਬਾਤ ਨੀ ਬੁੱਝੂ
ਉਹਦਾ ਪਿਓ ਨੰਗ।
(ਖਰਬੂਜ਼ਾ)
ਕਈ ਹਦਵਾਣਿਆਂ (ਤਰਬੂਜ਼ਾਂ) ਦੇ ਸ਼ੁਕੀਨ ਹੁੰਦੇ ਨੇ :-
ਮਾਂ ਲੀਰਾਂ ਕਚੀਰਾਂ
ਪੁਤ ਘੋਨ ਮੋਨ
(ਤਰਬੂਜ਼)
ਰੜੇ ਮੈਦਾਨ ਚੂਹਾ ਲੇਟੇ
(ਹਦਵਾਣਾ)
ਚਿੱਬ੍ਹੜਾਂ ਦੀ ਬੇਲ ਦਾ ਵੀ ਕਿਸੇ ਨੇ ਕਿਹਾ ਸੋਹਣਾ ਵਰਣਨ ਕੀਤਾ ਹੈ :-
ਬਹੂ ਆਈ ਆਪੇ
ਚਾਰ ਲਿਆਈ ਕਾਕੇ
ਇਕ ਗੋਦੀ, ਇਕ ਮੋਢੇ
ਇਕ ਬਾੜ ਕੰਨੀਂ ਝਾਕੇ
ਇਕ ਬਾਪੂ ਬਾਪੂ ਆਖੇ
(ਚਿਬ੍ਹੜਾਂ ਦੀ ਬੇਲ)
ਕਈ ਨਾਕੀ ਬੈਂਗਣਾਂ ਅਤੇ ਕੁੱਕੜੀਆਂ ਦੇ ਬਾੜੇ ਨੂੰ ਪਾਣੀ ਦੇਣ ਲੱਗਿਆਂ ਉਨ੍ਹਾਂ ਦੀਆਂ ਗੱਲਾਂ ਵੀ ਕਰਵਾ ਦੇਂਦੇ ਹਨ :-
ਜ਼ਮੀਨ ਤੇ ਪਈ ਕੱਕੜੀ ਪਾਣੀ ਆਉਣ ਦੀ ਆਵਾਜ਼ ਸੁਣਦੀ ਹੈ। ਉੱਚੇ ਲਟਕ ਰਹੇ ਬੈਂਗਣ ਤੋਂ ਖੜਾਕ ਬਾਰੇ ਪੁਛਦੀ ਹੈ :-
"ਵੇ ਲੜਕਦਾ"
'ਹਾਂ ਪਈ'
"ਆਹ ਕੀ ਆਉਂਦਾ ਖੜਕਦਾ?'"
42/ ਲੋਕ ਬੁਝਾਰਤਾਂ
