ਕਲੇਜਾ ਵਿੰਨ੍ਹਿਆ ਜਣਾ-ਬਹੁਤ ਦੁਖੀ ਹੋਣਾ।
ਕਲੇਜੇ ਛੇਕ ਪਾਉਣਾ-ਚੁੱਭਵੀਂ ਗੱਲ ਆਖਣੀ।
ਕਲੇਜੇ ਧੂਹ ਪਾਉਣਾ-ਪ੍ਰੇਮ ਦੀ ਖਿੱਚ ਪੈਣੀ।
ਕਲੇਜੇ ਭਾਂਬੜ ਬਾਲਣਾ-ਕ੍ਰੋਧ ਦੀ ਅੱਗ ਬਾਲਣੀ, ਦੁਖੀ ਕਰਨਾ।
ਕਲੇਜੇ ਲੂਹੇ ਜਾਣੇ-ਅਤਿ ਦਾ ਦੁੱਖ ਪੁੱਜਣਾ, ਦੁਖੀ ਹੋਣਾ।
ਕਲੋਲਾਂ ਕਰਨਾ-ਪਿਆਰ ਵਿੱਚ ਮਸਤੀ ਕਰਨੀ, ਨਖ਼ਰੇ ਕਰਨੇ।
ਕੜਿਆਲੇ ਚੱਬਣੇ-ਗੁੱਸਾ ਪ੍ਰਗਟ ਕਰਨਾ, ਗੁੱਸੇ ਹੋਣਾ।
ਕਾਇਆ ਪਲਟ ਦੇਣਾ-ਪੂਰੀ ਤਬਦੀਲੀ ਲੈ ਆਉਣੀ, ਨਵਾਂ ਨਰੋਆ ਕਰ ਦੇਣਾ।
ਕਾਗਜ਼ੀ ਘੋੜੇ ਦੁੜਾਉਣੇ-ਚਿੱਠੀ ਪੱਤਰ ਲਿਖ ਕੇ ਕੰਮ ਸਾਰਨਾ।
ਕਾਂਜੀ ਘੋਲਣਾ-ਬੇਸੁਆਦੀ ਪੈਦਾ ਕਰਨੀ, ਖ਼ਰਾਬੀ ਕਰਨੀ।
ਕਾਂਟਾ ਬਦਲਣਾ-ਆਪਣੇ ਵਿਚਾਰ ਬਦਲਣੇ, ਪੈਂਤੜਾ ਬਦਲ ਲੈਣਾ।
ਕਾਠ ਦਾ ਬੁੱਤ ਬਣਨਾ-ਹੈਰਾਨੀ ਨਾਲ਼ ਚੁੱਪ ਵੱਟ ਲੈਣੀ, ਡੌਰ ਭੌਰ ਹੋ ਜਾਣਾ।
ਕਾਠ ਮਾਰਨਾ-ਸਾਂਭ ਕੇ ਰੱਖਣਾ, ਬਾਹਰ ਨਾ ਕੱਢਣਾ।
ਕਾਠੀ ਪਾ ਲੈਣਾ-ਦੂਜੇ 'ਤੇ ਆਪਣਾ ਪ੍ਰਭਾਵ ਪਾ ਕੇ ਆਪਣੇ ਕਾਬੂ ਵਿੱਚ ਕਰ ਲੈਣਾ, ਵਿਗਾਰ ਲੈਣੀ।
ਕਾਣੀ ਕੌਡੀ ਪੱਲੇ ਨਾ ਹੋਣਾ-ਪੈਸੇ ਧੇਲੇ ਵਜੋਂ ਕਮਜ਼ੋਰ ਹੋਣਾ, ਅਤਿ ਦਾ ਗ਼ਰੀਬ ਹੋਣਾ।
ਕਾਫ਼ੀਆ ਤੰਗ ਕਰਨਾ-ਬਹੁਤ ਹੀ ਔਖਾ ਕਰਨਾ, ਔਕੜ ਵਿੱਚੋਂ ਨਿਕਲਣ ਨਾ ਦੇਣਾ, ਉਲਝਾਈ ਰੱਖਣਾ।
ਕਾਫ਼ੂਰ ਹੋ ਜਾਣਾ-ਨੱਸਣ ਲੱਗਿਆਂ ਪਤਾ ਨਾ ਲੱਗਣ ਦੇਣਾ।
ਕਾਰਜ ਸਿੱਧ ਹੋਣਾ-ਮੁਸ਼ਕਲ ਕੰਮ ਸਿਰੇ ਚੜ੍ਹ ਜਾਣਾ।
ਕਾਰਾ ਕਰ ਜਾਣਾ-ਕੋਈ ਮਾੜਾ ਕੰਮ ਕਰਨਾ।
ਕਾਲਜੇ ਛੁਰੀਆਂ ਮਾਰਨਾ-ਬੋਲ ਕਬੋਲ ਬੋਲ ਕੇ ਸੁਣਨ ਵਾਲ਼ੇ ਨੂੰ ਤੜਫ਼ਾ ਦੇਣਾ।
ਕਾਲਜੇ ਠੰਢ ਪੈਣਾ-ਵਿਰੋਧੀ ਤੋਂ ਬਦਲਾ ਲੈ ਕੇ ਖ਼ੁਸ਼ ਹੋਣਾ।
ਕਾਲ਼ਾ ਦਾਗ਼ ਲਾਉਣਾ-ਬਦਨਾਮੀ ਖਟਣੀ, ਚੋਭ ਲਾਉਣੀ, ਦੁਖੀ ਕਰਨਾ।
ਕਾਵਾਂ ਰੌਲੀ ਪਾਉਣਾ-ਰੌਲ਼ਾ ਪਾਉਣਾ, ਆਪਣੀ ਆਪਣੀ ਮਾਰੀ ਜਾਣੀ।
ਕਿਸਮਤ ਸੜ ਜਾਣਾ-ਮਾੜੇ ਦਿਨ ਆਉਣੇ, ਘਾਟੇ 'ਤੇ ਘਾਟਾ ਪੈਣਾ।
ਲੋਕ ਸਿਆਣਪਾਂ/195
