ਚੇਟਕ ਲਾਉਣੀ-ਲਗਨ ਪੈਦਾ ਕਰਨੀ।
ਚੈਨ ਦਾ ਸਾਹ ਆਉਣਾ-ਡਰ ਦੂਰ ਹੋਣ ਕਾਰਨ ਸੁਖ ਦਾ ਸਾਹ ਆਉਣਾ।
ਚੋ ਚੋ ਪੈਣਾ-ਫੁਟ ਫੁਟ ਕੇ ਨਿਕਲਣਾ, ਸਾਵਾਂ ਵਖਾਈ ਦੇਣਾ।
ਚੋਟੀ ਆਕਾਸ਼ ਲਾਉਣਾ-ਬਹੁਤ ਵਡਿਆਈ ਕਰਨੀ।
ਚੋਭ ਮਾਰਨਾ-ਵਿਅੰਗ ਕੱਸਣਾ, ਬੋਲੀ ਮਾਰਨੀ, ਅਜਿਹੀ ਗੱਲ ਕਹਿਣੀ ਜਿਸ ਨਾਲ਼ ਸੁਣਨ ਵਾਲੇ ਨੂੰ ਦੁੱਖ ਲੱਗੇ।
ਚੋਰ ਅੱਖਾਂ ਨਾਲ਼ ਵੇਖਣਾ-ਲੁਕਵੇਂ ਰੂਪ ਵਿੱਚ ਝਾਤੀਆਂ ਮਾਰਨੀਆਂ, ਅੱਖ ਬਚਾ ਕੇ ਵੇਖਣਾ।
ਚੋਲਾ ਛੱਡਣਾ-ਸੁਰਗਵਾਸ ਹੋ ਜਾਣਾ, ਮਰ ਜਾਣਾ।
ਚੌਕੜੀ ਮਾਰਨੀ-ਚੱਪ ਮਾਰ ਕੇ ਬੈਠਣਾ।
ਚੌਂਕਾ ਭਾਂਡਾ ਕਰਨਾ-ਰਸੋਈ ਦਾ ਕੰਮ ਕਰਨਾ।
ਚੌਕਾ ਪੈ ਜਾਣਾ-ਬਰਬਾਦ ਹੋ ਜਾਣਾ।
ਚੌਕੇ ਚੜ੍ਹਨਾ-ਰਸੋਈ ਦੇ ਕੰਮ ਲੱਗਣਾ।
ਚੌੜਾ ਹੋਣਾ-ਆਪਣੀ ਵਡਿਆਈ ਸੁਣ ਕੇ ਫੁਲ ਜਾਣਾ।
ਚੰਗਿਆੜੀ ਮਘਣੀ-ਚੰਗੀ ਤਰ੍ਹਾਂ ਜੋਸ਼ ਪ੍ਰਗਟ ਹੋ ਜਾਣਾ, ਲੜਾਈ 'ਚ ਵਾਧਾ ਹੋ ਜਾਣਾ।
ਚੰਗੀ ਮੰਦੀ ਸੁਣਨਾ-ਨਿੰਦਾ ਤੇ ਚੁਗਲੀ ਸੁਣਨਾ।
ਚੰਡਾਲ ਆਉਣਾ-ਕ੍ਰੋਧ ਆਉਣਾ।
ਚੰਡਿਆ ਹੋਣਾ-ਚੰਗੀ ਤਰ੍ਹਾਂ ਸਿੱਖਿਆ ਪ੍ਰਾਪਤ ਕੀਤੀ ਹੋਣੀ, ਆਪਣੇ ਕਸਬ ਵਿੱਚ ਮਾਹਰ ਹੋਣਾ, ਚੰਗੇ ਉਸਤਾਦ ਪਾਸੋਂ ਸਿੱਖਿਆ ਲਈ ਹੋਣੀ।
ਚੰਨ ਚਾੜ੍ਹਨਾ-ਕੋਈ ਮਾੜਾ ਕੰਮ ਕਰਕੇ ਆਉਣਾ।
ਚੰਨ ਚੜ੍ਹ ਆਉਣਾ-ਕਿਸੇ ਪੁਰਸ਼ ਦੇ ਬਹੁਤ ਚਿਰ ਪਿੱਛੋਂ ਦਰਸ਼ਣ ਹੋਣੇ, ਅਚਨਚੇਤ ਹੀ ਕਿਸੇ ਦਾ ਆ ਜਾਣਾ, ਬਹੁਤ ਖੁਸ਼ੀ ਹੋਣੀ, ਖ਼ੁਸ਼ੀ ਨਾਲ਼ ਮੱਥਾ ਖਿੜ ਜਾਣਾ।
ਚੰਨ ਚੜ੍ਹਾ ਬੈਠਣਾ-ਕੋਈ ਮੂਰਖਾਂ ਵਾਲਾ ਕੰਮ ਕਰ ਲੈਣਾ।
ਚੰਨ ਤਾਰੇ ਵਾਂਗ ਵੇਖਣਾ-ਪਿਆਰ ਵਿੱਚ ਉਡੀਕਣਾ।
ਚੰਮ ਉਧੇੜਨਾ-ਬਹੁਤ ਮਾਰਨਾ, ਕੁੱਟਣਾ।
ਲੋਕ ਸਿਆਣਪਾਂ/213
