ਢੱਬ ਆ ਜਾਣਾ-ਕਿਸੇ ਕੰਮ ਦਾ ਵਲ ਆ ਜਾਣਾ, ਸਮਝ ਪੈ ਜਾਣੀ।
ਢੱਬ ਸਿਰ ਆ ਜਾਣਾ-ਠੀਕ ਰਾਹ 'ਤੇ ਪੈ ਜਾਣਾ, ਸੂਤ ਆ ਜਾਣਾ।
ਢਾਰਸ ਬੱਝਣਾ-ਹੌਸਲਾ ਬਝ ਜਾਣਾ, ਕਿਸੇ ਗੱਲ ਦੀ ਆਸ ਬਝ ਜਾਣੀ, ਮਨ ਤਕੜਾ ਹੋਣਾ।
ਢਿੱਗੀ ਢਾਹ ਬੈਠਣਾ-ਹੌਂਸਲਾ ਛੱਡ ਦੇਣਾ, ਹੌਸਲਾ ਹਾਰ ਦੇਣਾ।
ਢਿੱਡ ਅੜਿਕੇ ਲੈਣਾ-ਕਿਸੇ ਨਾਲ਼ ਲੜਾਈ ਝਗੜਾ ਕਰਨਾ।
ਢਿੱਡ ਨਾਲ਼ ਲੱਗ ਜਾਣਾ-ਬਹੁਤ ਦੁਖੀ ਹੋਣਾ, ਦੁਖ ਭੋਗਣਾ।
ਢਿੱਡ ਪਾਲਣਾ-ਪੇਟ ਭਰਨਾ, ਆਪਣਾ ਅੱਗਾ ਵੇਖਣਾ।
ਢਿੱਡ ਵਿੱਚ ਚੂਹੇ ਨੱਚਣੇ-ਬਹੁਤ ਭੁੱਖ ਲੱਗਣੀ।
ਢਿੱਡ ਵਿੱਚ ਰੱਖਣਾ-ਕਿਸੇ ਗੱਲ ਨੂੰ ਲਕੋ ਕੇ ਰੱਖਣਾ।
ਢਿੱਡੀ ਪੀੜਾਂ ਪੈਣੀਆਂ-ਬਹੁਤਾ ਹੱਸਣ ਨਾਲ਼ ਬੱਖੀਆਂ ਦੁਖਣ ਲੱਗ ਜਾਣੀਆਂ।
ਢਿੱਡੋ ਢਿੱਡ ਪਿੱਟਣਾ-ਬਹੁਤ ਰੋਣਾ।
ਢਿਬਰੀ ਟੈਟ ਕਰਨਾ-ਬਹੁਤ ਕਸਕੇ ਰੱਖਣਾ, ਤੰਗ ਕਰਨਾ।
ਢਿੱਲੇ ਹੋ ਕੇ ਬਹਿਣਾ-ਕੋਸ਼ਿਸ਼ ਨਾ ਕਰਨਾ।
ਢੇਰੀ ਹੋਣਾ-ਕੰਮ ਕਰਕੇ ਥੱਕ ਟੁੱਟ ਜਾਣਾ।
ਢੇਰੀ ਢਾਹੁਣਾ-ਹਿੰਮਤ ਹਾਰ ਜਾਣੀ, ਹੌਂਸਲਾ ਛੱਡ ਦੇਣਾ, ਨਿਰਾਸ਼ ਹੋ ਜਾਣਾ।
ਢੋ ਢੁਕਣਾ-ਲੋੜੀਂਦਾ ਅਵਸਰ ਮਿਲ ਜਾਣਾ, ਚੰਗਾ ਸਬੱਬ ਬਣ ਜਾਣਾ।
ਢੋ ਬਣਾਉਣਾ-ਵਿਉਂਤ ਬਣਾਉਣਾ, ਤਰੀਕਾ ਲੱਭਣਾ।
ਤ
ਤਾਉਣੀ ਲਾਉਣਾ-ਮਾਰ ਕੁਟਾਈ ਕਰਨੀ।
ਤਸਵੀਰ ਖਿੱਚਣਾ-ਅਸਲੀਅਤ ਬਿਆਨ ਕਰ ਦੇਣੀ।
ਤੱਕ ਵਿੱਚ ਹੋਣਾ-ਧਿਆਨ ਵਿੱਚ ਹੋਣਾ, ਨਜ਼ਰ ਥੱਲ੍ਹੇ ਹੋਣਾ।
ਤਕਦੀਰ ਰੁਸ ਜਾਣੀ-ਮੁਸੀਬਤ ਪੈ ਜਾਣੀ, ਮਾੜੇ ਦਿਨ ਆ ਜਾਣੇ।
ਤਕਲ਼ਾ ਰਾਸ ਹੋਣਾ-ਦੁਖੀ ਹੋਇਆ ਮਨ ਖੁਸ਼ ਹੋ ਜਾਣਾ, ਵਿਗੜਿਆ ਕੰਮ ਰਾਸ ਆ ਜਾਣਾ।
ਤਕਲ਼ਾ ਵਿੰਗਾ ਹੋਣਾ-ਕਦੇ ਵੀ ਸਿੱਧੇ ਮੂੰਹ ਨਾ ਹੋਣਾ, ਵਿਗੜੇ ਰਹਿਣਾ, ਨਾਰਾਜ਼ ਰਹਿਣਾ।
ਲੋਕ ਸਿਆਣਪਾਂ/228
