ਪੰਨਾ:ਲੋਕ ਸਿਆਣਪਾਂ - ਸੁਖਦੇਵ ਮਾਦਪੁਰੀ.pdf/262

ਵਿਕੀਸਰੋਤ ਤੋਂ
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ

ਮਾਰ ਮਾਰ ਕੇ ਦੁੰਬਾ ਬਣਾਉਣਾ-ਬਹੁਤ ਮਾਰ ਪਿਟਾਈ ਕਰਨੀ।
ਮਾਰਿਆ ਮਾਰਿਆ ਫਿਰਨਾ-ਦਰ ਦਰ ਧੱਕੇ ਖਾਣਾ, ਵਿਪਤਾ ਵਿੱਚ ਪੈਣਾ।
ਮਾਰੂ ਨਾਚ ਨੱਚਣਾ-ਮੌਤ ਦਾ ਸੁਨੇਹਾ ਲੈ ਕੇ ਆਉਣਾ।
ਮਾਰੋ ਮਾਰ ਕਰਨਾ-ਛੇਤੀ ਛੇਤੀ ਕੰਮ ਕਰਨਾ।
ਮਾਲ ਅਟੇਰਨਾ-ਕਿਸੇ ਭੋਲ਼ੇ ਭਾਲ਼ੇ ਬੰਦੇ ਨਾਲ਼ ਠੱਗੀ ਮਾਰਨਾ।
ਮਾਲ਼ਾ ਫੇਰਨਾ-ਹਰ ਦਮ ਯਾਦ ਕਰਨਾ।
ਮਾਵਾਂ ਭੈਣਾਂ ਪੁਣਨਾ-ਮਾਵਾਂ ਭੈਣਾਂ ਦੀਆਂ ਗਾਲ੍ਹਾਂ ਕੱਢਣੀਆਂ।
ਮਿੱਟੀ ਕਰ ਦੇਣੀ-ਬੇਕਦਰੀ ਕਰਨਾ।
ਮਿੱਟੀ ਖ਼ਰਾਬ ਕਰਨਾ-ਰੋਕਣਾ,ਬੇਇੱਜ਼ਤੀ ਕਰਨੀ।
ਮਿੱਟੀ ਛਾਣਨਾ-ਬਹੁਤ ਮਿਹਨਤ ਕਰਨੀ।
ਮਿੱਟੀ ਪਲੀਤ ਹੋਣਾ-ਬੇਇੱਜ਼ਤੀ ਹੋਣੀ, ਖੁਨਾਮੀ ਕੱਟਣੀ।
ਮਿੱਟੀ ਪਾਉਣਾ-ਮਾੜੀ ਗੱਲ ਦਬਾ ਦੇਣੀ, ਝਗੜਾ ਖ਼ਤਮ ਕਰਨਾ।
ਮਿੱਟੀ ਵਿੱਚ ਮਿਲ਼ ਜਾਣਾ-ਬੇਕਦਰੀ ਹੋਣੀ।
ਮਿਰਚ ਮਸਾਲਾ ਲਾਉਣਾ-ਕੋਈ ਗੱਲ ਵਧਾ ਚੜ੍ਹਾ ਕੇ ਕਰਨੀ।
ਮਿਰਚਾਂ ਲੜਨੀਆਂ-ਗੱਲ ਚੁੱਭਣੀ।
ਮੁਸ਼ਕ ਨਾ ਲੱਭਣਾ-ਦੁਰਲੱਭ ਹੋਣਾ, ਮਿਲ਼ ਨਾ ਸਕਣਾ।
ਮੁਸ਼ਕਲਾਂ ਨਾਲ ਦੋ ਚਾਰ ਹੋਣਾ-ਭੈੜੇ ਹਾਲਾਤ ਦਾ ਟਾਕਰਾ ਕਰਨਾ।
ਮੁਹਾਰਾਂ ਮੋੜਨਾ-ਤੁਰ ਪੈਣਾ, ਮੂੰਹ ਚੁੱਕ ਕੇ ਤੁਰ ਪੈਣਾ, ਵਾਪਸ ਪਰਤਣਾ।
ਮੁੱਠੀਆਂ ਭਰਨੀਆਂ-ਮੁੱਠੀ ਚਾਪੀ ਕਰਨੀ, ਖੁਸ਼ਾਮਦ ਕਰਨਾ।
ਮੁੱਛ ਦਾ ਵਾਲ ਬਣਨਾ-ਚਹੇਤਾ ਬਣਨਾ, ਬਹੁਤ ਨੇੜੇ ਦਾ ਸਲਾਹਕਾਰ ਬਣਨਾ।
ਮੁੱਛਾਂ ਨੂੰ ਤਾਅ ਦੇਣਾ-ਹੈਂਕੜ ਵਿਖਾਉਣੀ, ਰੋਅਬ ਦੇਣਾ।
ਮੁੱਠੀ ਗਰਮ ਕਰਨਾ-ਰਿਸ਼ ਦੇਣੀ।
ਮੁੱਠ ਵਿੱਚ ਹੋਣਾ-ਕਾਬੂ ਵਿੱਚ ਹੋਣਾ।
ਮੁਰਾਦਾਂ ਪੂਰੀਆਂ ਹੋਣਾ-ਦਿਲ ਦੀਆਂ ਖ਼ਾਹਿਸ਼ਾਂ ਪੂਰੀਆਂ ਹੋਣੀਆਂ।
ਮੂੰਹ ਉੱਤਰ ਜਾਣਾ-ਉਦਾਸੀ ਛਾ ਜਾਣੀ, ਮੂੰਹ ਦਾ ਰੰਗ ਫਿੱਕਾ ਪੈਣਾ।
ਮੂੰਹ ਤੇ ਹਵਾਈਆਂ ਉੱਡਣੀਆਂ-ਸਹਿਮ ਜਾਣਾ, ਮੁੰਹ ਫੱਕ ਹੋ ਜਾਣਾ।
ਮੂੰਹ ਅੱਡਣਾ-ਕੋਈ ਚੀਜ਼ ਮੰਗ ਕੇ ਲੈਣੀ।

ਲੋਕ ਸਿਆਣਪਾਂ/260