ਮੋਢੇ ਨਾਲ਼ ਮੋਢਾ ਖਹਿਣਾ-ਬਹੁਤ ਭੀੜ ਹੋਣੀ।
ਮੋਰਚਾ ਮਾਰਨਾ-ਸਫਲਤਾ ਪ੍ਰਾਪਤ ਕਰਨੀ।
ਮੋਰਚਾ ਲਾਉਣਾ-ਸਤਿਆਗ੍ਰਹਿ ਸ਼ੁਰੂ ਕਰਨਾ, ਮੁਕਾਬਲਾ ਕਰਨਾ।
ਮੋੜ ਪੈ ਜਾਣਾ-ਘਟਣਾ ਸ਼ੁਰੂ ਹੋ ਜਾਣਾ।
ਮੌਜੂ ਬਣਾਉਣਾ-ਮਖੌਲ ਉਡਾਉਣਾ, ਝੇਡਾਂ ਕਰਨੀਆਂ।
ਮੌਤ ਦੇ ਘਾਟ ਉਤਾਰਨਾ-ਜਾਨੋਂ ਮਾਰ ਦੇਣਾ।
ਮੌਤ ਨੂੰ 'ਵਾਜਾਂ ਮਾਰਨੀਆਂ-ਅਜਿਹਾ ਖ਼ਤਰੇ ਵਾਲਾ ਕੰਮ ਕਰਨਾ ਜਿਸ ਨਾਲ ਜਾਨ ਨੂੰ ਖ਼ਤਰਾ ਹੋਵੇ।
ਮੌਤ ਮਹਾਠ ਤੇ ਰੋਣਾ-ਮੌਤ ਕਿਨਾਰੇ ਹੋਣਾ, ਮੌਤ ਦਾ ਡਰ ਸਿਰ 'ਤੇ ਮੰਡਰਾਉਣਾ।
ਮੰਜੀ ਤੇ ਪੈ ਜਾਣਾ-ਬੀਮਾਰ ਹੋ ਜਾਣਾ, ਨਿਢਾਲ ਹੋ ਜਾਣਾ।
ਮੰਜੀ ਤੇ ਬਹਿਣ ਜੋਗਾ ਨਾ ਰਹਿਣਾ-ਕਿਸੇ ਨਾਲ ਬਰਾਬਰੀ ਕਰਨ ਦੇ ਯੋਗ ਨਾ ਰਹਿਣਾ।
ਮੰਜੀ ਨਿਕਲਣਾ-ਮੁਰਦੇ ਨੂੰ ਮੰਜੀ 'ਤੇ ਪਾ ਕੇ ਸ਼ਮਸ਼ਾਨ ਘਾਟ ਲੈ ਕੇ ਜਾਣਾ।
ਯ
ਯਬਲੀਆਂ ਮਾਰਨੀਆਂ-ਏਧਰ ਓਧਰ ਦੀਆਂ ਬੇ-ਮਤਲਬ ਗੱਲਾਂ ਕਰਨੀਆਂ।
ਯਾਦ ਜਾਗਣਾ-ਯਾਦਾਂ ਆ ਜਾਣੀਆਂ।
ਯਾਦ ਪਏ ਕਰਨਾ-ਕਿਸੇ ਦੀ ਚੰਗਿਆਈ ਅਤੇ ਅਹਿਸਾਨ ਕਰਕੇ ਜਾਂ ਕਿਸੇ ਵੱਲੋਂ ਕੀਤੀ ਬੁਰਾਈ ਕਰਕੇ ਉਸ ਨੂੰ ਯਾਦ ਰੱਖਣਾ।
ਰ
ਰਹਿ ਆਉਣਾ-ਇੱਜ਼ਤ ਆਬਰੂ ਬਣੀ ਰਹਿਣੀ।
ਰਹਿ ਜਾਣਾ-ਕਮਜ਼ੋਰ ਹੋ ਜਾਣਾ।
ਰਹਿ ਨਾ ਸਕਣਾ-ਕੋਈ ਕੰਮ ਕਰਨੋਂ ਰਹਿ ਨਾ ਹੋਣਾ, ਕੰਮ ਕਰਨੋਂ ਬਾਜ਼ ਨਾ ਆਉਣਾ।
ਰਕਮ ਭਰ ਦੇਣਾ-ਘਾਟਾ ਪੂਰਾ ਕਰ ਦੇਣਾ, ਨੁਕਸਾਨ ਤਾਰ ਦੇਣਾ।
ਰੱਖ ਨਾ ਜਾਣਨਾ-ਕਦਰ ਨਾ ਕਰਨੀ।
ਰਗ ਰਗ ਤੋਂ ਜਾਣੂੰ ਹੋਣਾ-ਪੂਰੀ ਤਰ੍ਹਾਂ ਵਾਕਿਫ਼ ਹੋਣਾ।
ਲੋਕ ਸਿਆਣਪਾਂ/263
