ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
ਵਿਸਾਹ ਨਾ ਖਾਣਾ-ਕਿਸੇ 'ਤੇ ਇਤਬਾਰ ਨਾ ਕਰਨਾ, ਦੂਜੇ ਆਦਮੀ 'ਤੇ ਵਿਸ਼ਵਾਸ ਨਾ ਕਰਨਾ।
ਵਿਗੜੀ ਤਾਣੀ ਸੁਲਝਾਉਣੀ-ਵਿਗੜਿਆ ਕੰਮ ਸੰਵਾਰ ਦੇਣਾ।
ਵਿਗੜੀ ਬਣਾਉਣਾ-ਵਿਗੜੇ ਕੰਮਾਂ 'ਚ ਸੁਧਾਰ ਲਿਆਉਣਾ।
ਵਿੱਚ ਕੁਝ ਨਾ ਰਹਿਣਾ-ਮਾੜੇ ਹੋ ਜਾਣਾ।
ਵੇਖ ਕੇ ਭੁੱਖ ਲਹਿਣਾ-ਬਹੁਤ ਸੋਹਣਾ ਲੱਗਣਾ।
ਵੇਖ ਨਾ ਸੁਖਾਣਾ-ਕਿਸੇ ਨੂੰ ਵੱਧਦਾ ਫੁਲਦਾ ਵੇਖ ਕੇ ਸਾੜਾ ਕਰਨਾ।
ਵੇਲ ਵਧਣਾ-ਸੰਤਾਨ 'ਚ ਵਾਧਾ ਹੋਣਾ, ਧੀਆਂ ਪੁੱਤ ਜੰਮਣੇ।
ਵੇਲਾ ਕੁਵੇਲਾ ਭੁਗਤਾਣਾ-ਲੋੜ ਸਮੇਂ ਸਹਾਇਤਾ ਕਰਨੀ, ਆਸਰਾ ਦੇਣਾ।
ਵੇਲਾ ਟਪਾਉਣਾ-ਔਕੜ ਸਮੇਂ ਮਦਦ ਕਰਨਾ, ਮਾੜਾ ਸਮਾਂ ਲੰਘਾ ਦੇਣਾ।
ਵੇਲਾ ਟਾਲਣਾ-ਕਿਸੇ ਬਿਪਤਾ ਤੋਂ ਬਚਣ ਲਈ ਯਤਨ ਕਰਨਾ।
ਵੇਲਾ ਧੱਕਣਾ-ਕੰਮ ਸਾਰਨਾ, ਔਖੇ ਵੇਲੇ ਕੰਮ ਆਉਣਾ।
ਵੇਲੇ ਨੂੰ ਰੋਣਾ-ਸਮਾਂ ਅਜਾਈਂ ਗੁਆ ਕੇ ਪਛਤਾਉਣਾ।
ਵੈਰ ਕੱਢਣਾ-ਬਦਲਾ ਲੈਣਾ।
ਵੈਰ ਖ਼ਰੀਦਣਾ-ਵੈਰ ਪਾ ਲੈਣਾ, ਵੈਰ ਵਿਹਾਜਣਾ।
ਵੰਗਾਰ ਪਾਣਾ-ਸਹਾਇਤਾ ਲਈ ਪ੍ਰੇਰਨਾ, ਲਲਕਾਰ ਪਾਉਣੀ।
ਵਿੰਗਾ ਤੁਰਨਾ-ਮੰਦੇ ਕੰਮ ਕਰਨੇ, ਗ਼ਲਤੀ ਕਰਨੀ।
ਲੋਕ ਸਿਆਣਪਾਂ/272
