ਪੰਨਾ:ਵਸੀਅਤ ਨਾਮਾ.pdf/10

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ


ਵਸੀਅਤ ਨਾਮਾ


ਪਹਿਲਾ ਕਾਂਡ

ਹਰਿੰਦਰਾ ਪਿੰਡ ਵਿਚ ਕ੍ਰਿਸ਼ਨ ਕਾਂਤ ਨਾਂ ਦਾ ਇਕ ਅਮੀਰ ਜ਼ਿਮੀਦਾਰ ਰਹਿੰਦਾ ਸੀ। ਉਸ ਦੀ ਜ਼ਿਮੀਦਾਰੀ ਦਾ ਸਾਲਾਨਾ ਮੁਨਾਫਾ ਤਕਰੀਬਨ ਦੋ ਲੱਖ ਰੁਪਏ ਸੀ। ਉਹ ਜਾਇਦਾਦ ਉਸ ਦੀ ਤੇ ਉਸ ਦੇ ਭਰਾ ਰਾਮਾ ਕਾਂਤ ਦੀ ਕਮਾਈ ਦੀ ਸੀ। ਦੋਵੇਂ ਭਰਾ ਇਕੱਠਾ ਹੀ ਬਪਾਰ ਕੀਤਾ ਕਰਦੇ ਸਨ, ਦੋਵਾਂ ਵਿਚ ਅਤਿਅੰਤ ਪ੍ਰੇਮ ਸੀ। ਕਦੇ ਵੀ ਕਿਸੇ ਦੇ ਮਨ ਵਿਚ ਇਹ ਖੋਟ ਨਾ ਉਪਜਿਆ ਕਿ ਨੂੰ ਮੈਂ ਦੁਸਰੇ ਨੂੰ ਧੋਖਾ ਦੇਵਾਂ। ਸਾਰੀ ਜ਼ਿਮੀਦਾਰੀ ਵਡੇ ਭਰਾ ਕ੍ਰਿਸ਼ਨਕਾੰਤ ਦੇ ਨਾਂ ਖਰੀਦੀ ਜਾਂਦੀ ਸੀ। ਦੋਵੇਂ ਕੱਠੇ ਹੀ ਖਾਂਦੇ ਪੀਂਦੇ ਸਨ।ਰਾਮਾ ਕਾਂਤ ਦਾ ਇਕ ਪੁਤਰ ਸੀ ਜਿਸਦਾ ਨਾਂ ਸੀ ਗੁਬਿੰਦ ਲਾਲ। ਪੁਤਰ ਦੇ ਜਨਮ ਦਿਨ ਤੋਂ ਹੀ ਰਾਮਾ ਕਾਂਤ ਸੋਚ ਰਿਹਾ ਸੀ, ਕਿ ਸਾਡੇ ਦੋਵਾਂ ਭਰਾਵਾਂ ਦੀ ਜਾਇਦਾਦ ਇਕੋ ਦੇ ਨਾਂ ਹੈ, ਇਸ ਲਈ ਪੁਤਰ ਦੀ ਭਲਾਈ ਲਈ ਕੋਈ ਉਚਿਤ ਲਿਖਾ ਪੜੀ ਹੋ ਜਾਣੀ ਚਾਹੀਦੀ ਹੈ । ਭਾਵੇਂ ਉਸਨੂੰ ਪੂਰਾ ਵਿਸ਼ਵਾਸ ਸੀ ਕਿ ਕ੍ਰਿਸ਼ਨ ਕਾਂਤ ਕਿਸੇ ਤਰਾਂ ਦਾ ਧੋਖਾ ਆਦਿ ਨਹੀਂ ਕਰੇਗਾ, ਪਰ ਕ੍ਰਿਸ਼ਨ ਕਾਂਤ ਦੇ ਮਰਨ ਤੋਂ ਪਿਛੋਂ ਉਸ ਦੇ ਪੁਤਰ ਕੀ ਵਰਤਾਵ ਕਰਨਗੇ ਇਸ ਦਾ ਕੀ ਪਤਾ? ਪਰੰਤੂ ਲਿਖਾ ਪੜੀ ਦੀ ਗੱਲ ਉਸ ਕੋਲੋਂ ਕਹੀ ਨ ਗਈ| ਅਜ ਕਹਾਂਗਾ, ਕਲ ਕਹਾਂਗਾ, ਇਸੇ ਜਿਚ ਬਿਚੀ ਵਿਚ ਹੀ ਪਿਆ ਰਿਹਾ। ਇਕ