ਪੰਨਾ:ਵਸੀਅਤ ਨਾਮਾ.pdf/50

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ


ਰੋਕ ਸਕੀ । ਉਸ ਨੇ ਕਿਹਾ-ਤੁਹਾਡੇ ਗਲ ਵਿਚ ਰਸੀ ਪੋਣ ਦੀ ਗਲ ਇਸ ਲਈ ਕਹੀ ਏ ਕਿ ਤੁਸੀਂ ਅਜੇ ਤਕ ਨਹੀਂ ਦਸ ਸਕੀਆਂ ਕਿ ਅਸਲ ਗਲ ਕੀ ਹੈ ? ਹੋਇਆ ਕੀ ਹੈ ?

ਤਾਂ ਚੋਂਹ ਪਾਸਿਆਂ ਤੋਂ ਚਾਰ ਮੂੰਹ ਖੁੱਲੇ। ਬੜੀ ਮੁਸ਼ਕਲ ਨਾਲ ਰਜਨੀ ਨੇ ਉਨ੍ਹਾਂ ਦਾ ਮਤਲਬ ਕਢਿਆ ਕਿ ਕਲ ਰਾਤ ਨੂੰ ਚੋਰੀ ਹੋਈ ਹੈ । ਕਿਸੇ ਨੇ ਕਿਹਾ-ਚੋਰੀ ਨਹੀਂ, ਡਾਕਾ। ਕਿਸੇ ਨੇ ਕਿਹਾ-ਨਹੀਂ, ਸੰਨ ਲਗੀ ਹੈ। ਕਿਸੇ ਨੇ ਕਿਹਾ-ਨਾ, ਨਾ, ਚਾਰ ਪੰਜ ਚੋਰ ਕਮਰੇ ਵਿਚ ਵੜ ਕੇ ਇਕ ਲਖ ਰੁਪਏ ਦੇ ਕੰਪਨੀ ਦੇ ਕਾਗਜ ਚੁਰਾ ਕੇ ਲੈ ਗਏ ਹਨ ।

ਰਜਨੀ ਨੇ ਕਿਹਾ-ਉਸ ਦੇ ਪਿਛੋਂ ? ਕੀਹਦੀ ਨਕ ਵਢਨਾ ਚਾਹੁੰਦੀ ਸੀ ?

ਪਹਿਲੀ-ਰਾਣੀ ਵਿਚਾਰੀ ਦੀ, ਹੋਰ ਕੀਹਦੀ ?
ਦੂਜੀ-ਉਹੋ ਅਭਾਗਨੀ ਤੇ ਇਸ ਗੱਲ ਦੀ ਜੜ੍ਹ ਹੈ।
ਤੀਜੀ-ਉਹੋ ਤੇ ਡਾਕੂਆਂ ਨੂੰ ਸਦ ਲਿਆਈ ਸੀ।
ਚੌਥੀ-ਜੈਸੀ ਕਰਨੀ ਵੈਸੀ ਭਰਨੀ।
ਪੰਜਵੀਂ-ਹੁਣ ਜੇਲ ਜਾਏਗੀ।
ਰਜਨੀ-ਤੁਸੀਂ ਕਿਵੇਂ ਜਾਨਿਆ ਕਿ ਰਾਣੀ ਚੋਰੀ ਕਰਨ ਆਈ ਹੈ ?

"ਕਿਵੇਂ ? ਉਹ ਫੜੀ ਗਈ ਸੀ, ਅਰ ਹੁਣ ਕਚੈਹਰੀ ਵਿਚ ਬੰਦ ਹੈ।"

ਰਜਨੀ ਨੇ ਜੋ ਕੁਛ ਸੁਨਿਆ ਗੁਬਿੰਦ ਲਾਲ ਨੂੰ ਜਾ ਕਿਹਾ। ਸੁਣ ਕੇ ਗੁਬਿੰਦ ਲਾਲ ਨੇ ਜਰਾ ਧੋਣ ਹਿਲਾਈ।

ਰਜਨੀ-ਤੁਸਾਂ ਧਣ ਕਿਉਂ ਹਿਲਾਈ ।

ਗੁਬਿੰਦ ਲਾਲ-ਮੈਨੂੰ ਤੇ ਵਿਸ਼ਵਾਸ ਹੀ ਨਹੀਂ ਹੁੰਦਾ ਕਿ ਰਾਣੀ ਚੋਰੀ ਕਰਨ ਆਈ ਸੀ । ਕੀ ਤੈਨੂੰ ਵਿਸ਼ਵਾਸ ਹੈ ?

ਰਜਨੀ-ਨਹੀਂ ।

੪੯