ਪੰਨਾ:ਵੰਗਾਂ.pdf/23

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ


ਇਹ ਮਨ ਨੂੰ ਖਬਰੇ ਕੀ ਹੋਇਆ
ਬਹਿ ਬਹਿ ਰਾਤ ਗੁਜ਼ਾਰੇ
ਰੋ ਰੋ ਢਾਈਂ ਮਾਰੇ
ਅੰਦਰ ਲੁਕ ਲੁਕ ਚੋਰੀ ਚੋਰੀ
ਕੱਲਾ ਹੀ ਬਰੜਾਵੇ
ਨਵੇਂ ਸੱਜਣ ਦੀਆਂ ਨਵੀਆਂ ਬਾਤਾਂ
ਝੂਰ ਝੂਰ ਕੇ ਪਾਵੇ
ਸੱਜਣ ਸੱਜਣ ਨੂੰ ਬੇਸੁਰਤੀ ਵਿਚ
ਹਾਕਾਂ ਮਾਰ ਬੁਲਾਂਦੇ
ਹੁਣ ਅਸੀਂ ਹੋਰ ਸਜਣ ਘਰ ਆਂਦੇ
ਪਿਆਰੇ.... .... ....
ਨੀਵਿਆਂ... ... ... ...
ਹੁਣ... ... ... ... ...

ਸਾਡੇ ਸਾਹਵੇਂ ਬਹਿ ਜਾ ਸੱਜਣ
ਨਾ ਹੋ ਸਾਥੋਂ ਲਾਂਭੇ,
ਲੈ ਲੈ ਸਾਡੇ ਦਿਲ ਦੀਆਂ ਗੱਲਾਂ
ਦੇ ਦੇ ਆਪਣੇ ਦਿਲ ਦੀਆਂ ਗੱਲਾਂ
ਲਾ ਦੇ ਦਿਲ ਨੂੰ ਕਾਂਬੇ
ਦਿਲ ਦੇ ਨਾਲ ਵਟਾ ਲੈ ਦਿਲ ਨੂੰ
ਪਿੰਜਰੇ ਦੇ ਵਿਚ ਪਾ ਲੈ ਦਿਲ ਨੂੰ
ਮੈਂ ਤੇਰਾ ਤੂੰ ਮੇਰਾ ਬਣ ਜਾ
ਸੀਨੇ ਨਾਲ ਲਗਾ ਲੈ ਦਿਲ ਨੂੰ

੧੯.