ਪੰਨਾ:ਵੰਗਾਂ.pdf/44

ਵਿਕੀਸਰੋਤ ਤੋਂ
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ

ਨਾ ਕਲੀਆਂ ਨੂੰ ਤੋੜ ਫੁਲੇਰੇ
ਨਾ ਕਲੀਆਂ ਨੂੰ ਤੋੜ

ਪਿਆਰਾ ਪਿਆਰਾ ਹਾਸਾ ਪਿਆਰਾ
ਇਸ ਵਿਚ ਹਸਦਾ ਸਾਜਣ ਹਾਰਾ
ਤੇਰੇ ਮਨ ਦੀ ਜੋਤੀ ਵਾਲਾ
ਇਸ ਵਿਚ ਵੀ ਚਮਕੇ ਚਮਕਾਰਾ
ਆਪਣੇ ਗਲ ਦੇ ਹਾਰ ਬਨਾਵੀਂ
ਫੁਲਾਂ ਦੇ ਦਿਲ ਤੋੜ
ਫੁਲੇਰੇ ਨਾ ਕਲੀਆਂ ਨੂੰ ਤੋੜ

ਚਾਰ ਦਿਨਾਂ ਦਾ ਲੋਕ ਦਿਖਾਵਾ
ਤੇਰਾ ਹੈ ਪਹਿਰਾਵਾ
ਨ ਕੁਝ ਤੇਰਾ ਨ ਕੁਝ ਮੇਰਾ
ਸਭ ਦਾ ਝੂਠਾ ਦਾਹਵਾ
ਕਿਸ ਮਨ ਮੂਰਖ ਪਿਛੇ ਲਗੋਂ
ਵਾਗਾਂ ਇਹਦੀਆਂ ਮੋੜ
ਫੁਲੇਰੇ ਨਾ ਕਲੀਆਂ ਨੂੰ ਤੋੜ

੪੧.