ਇਹ ਵਰਕਾ ਤਸਦੀਕ ਕੀਤਾ ਗਿਆ ਏ
ਅੱਖੀਆਂ ਤੇਰੀਆਂ ਚੋਰ ਨੀ ਕੁੜੀਏ
ਅੱਖੀਆਂ ਤੇਰੀਆਂ ਚੋਰ
ਅੱਖੀਆਂ ਤੇਰੀਆਂ ਚੋਰ
ਜਾਂ ਤੱਕੀਏ ਤਾਂ ਨੀਵੀਂ ਪਾਵਣ
ਭੋਲੀਆਂ ਭੋਲੀਆਂ ਇਹ ਦਿੱਸ ਆਵਣ
ਖਬਰੇ ਕਿਧਰੋਂ ਸੰਨ੍ਹ ਲਾ ਕੇ
ਦਿਲ ਦੀ ਦੌਲਤ ਲੁਟ ਲੈ ਜਾਵਣ
ਚਲਦਾ ਕੋਈ ਨਾ ਜ਼ੋਰ ਨੀ ਕੁੜੀਏ
ਅੱਖੀਆਂ ਤੇਰੀਆਂ ਚੋਰ
ਦੂਰੋਂ ਵੇਖ ਲੁਕਾਈਆਂ ਅੱਖੀਆਂ
ਘੁੰਡ ਦੀ ਕੈਦੇ ਪਾਈਆਂ ਅੱਖੀਆਂ
ਅੱਖੀਆਂ ਕੋਲ ਜਾਂ ਅੱਖੀਆਂ ਆਈਆਂ
ਰੋ ਰੋ ਫੇਰ ਬੁਲਾਈਆਂ ਅੱਖੀਆਂ
ਬੜੀਆਂ ਨੇ ਮੂੰਹ ਜ਼ੋਰ ਨੀ ਕੁੜੀਏ
ਅੱਖੀਆਂ ਤੇਰੀਆਂ ਚੋਰ
੪੫.
