ਪੰਨਾ:ਵੰਗਾਂ.pdf/49

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ


ਲਾਡਾਂ ਵਿਚ ਜਾਂ ਆ ਗਈਆਂ ਇਹ
ਪੱਥਰ ਮੋਮ ਬਣਾ ਗਈਆਂ ਇਹ
ਜੰਦਰੇ ਪਹਿਰੇ ਲੱਗੇ ਰਹਿ ਗਏ
ਅੱਖੀਂ ਘੱਟਾ ਪਾ ਗਈਆਂ ਇਹ

ਪਾਉਂਦੇ ਰਹਿ ਗਏ ਸ਼ੋਰ ਨੀ ਕੁੜੀਏ
ਅੱਖੀਆਂ ਤੇਰੀਆਂ ਚੋਰ

ਸੁਫ਼ਨੇ ਦੇ ਵਿਚ ਅਧੀ ਰਾਤੀਂ
ਟਬਰ ਲਾ ਕੇ ਗਲੀਂ ਬਾਤੀਂ
ਮਾਰ ਮਾਰ ਕੇ ਠਗੀਆਂ ਧਾੜੇ
ਆ ਸੁਤੀਆਂ ਘਰ ਵਿਚ ਪ੍ਰਭਾਤੀਂ

ਲਖ ਲਖ ਦਿਲ ਵਿਚ ਖੋਰ ਨੀ ਕੁੜੀਏ
ਅੱਖੀਆਂ ਤੇਰੀਆਂ ਚੋਰ

ਡੋਲੀਆਂ ਵਿਚ ਲੁਕਾਈਆਂ ਹੋਈਆਂ
ਵੈਰੀਆਂ ਹਥ ਫੜਾਈਆਂ ਹੋਈਆਂ
ਨਜ਼ਰ ਬਚਾ ਕੇ ਨਸ ਤੁਰੀਆਂ ਇਹ
ਲੋਕਾਂ ਦੀਆਂ ਪੜ੍ਹਾਈਆਂ ਹੋਈਆਂ

ਹੋਈਆਂ ਹੋਰ ਤੋਂ ਹੋਰ ਨੀ ਕੁੜੀਏ
ਅੱਖੀਆਂ ਤੇਰੀਆਂ ਚੋਰ

੪੬.