ਪੰਨਾ:ਸ਼ਗਨਾਂ ਦੇ ਗੀਤ - ਸੁਖਦੇਵ ਮਾਦਪੁਰੀ.pdf/39

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ


ਅੱਖੀਆਂ ਜਲ ਭਰ ਆਈਆਂ ਨੀ ਮਾਏਂ
ਇਕ ਰਾਤ ਦੇ
ਦੂਜਾ ਦੇਸ਼ ਦੇ ਪਰਾਇਆ

ਸੁਣ ਊਠਾਂ ਵਾਲਿਓ ਵੇ
ਕੀ ਲਦ ਲਈ ਸੀ ਟੰਗਣੇ
ਉਹ ਦਿਨ ਭੁਲ ਗਏ ਵੇ
ਜਦੋਂ ਆਉਂਦੇ ਸੀ ਮੰਗਣੇ
ਅੱਖੀਆਂ ਜਲ ਭਰ ਆਈਆਂ ਨੀ ਮਾਏਂ
ਅੱਖੀਆਂ ਡੁਲ੍ਹ ਡੁਲ੍ਹ ਪੈਂਦੀਆਂ ਨੀ ਮਾਏਂ
ਇਕ ਰਾਤ ਦੇ ਹਨ੍ਹੇਰੀ
ਦੂਜਾ ਦੇਸ਼ ਪਰਾਇਆ

ਸੁਣ ਊਠਾਂ ਵਾਲਿਓ ਵੇ
ਕੀ ਲੱਦ ਲਈਆਂ ਸੀ ਵਾਹੀਆਂ
ਜੇ ਤੈਂ ਨੌਕਰ ਸੀ ਜਾਣਾ
ਅਸੀਂ ਕਾਹਨੂੰ ਸੀ ਵਿਆਹੀਆਂ
ਅੱਖੀਆਂ ਜਲ ਭਰ ਆਈਆਂ ਨੀ ਮਾਏ
ਅੱਖੀਆਂ ਡੁਲ੍ਹ ਡੁਲ੍ਹ ਪੈਂਦੀਆਂ ਨੀ ਮਾਏਂ
ਇਕ ਰਾਤ ਦੇ ਹਨ੍ਹੇਰੀ
ਦੂਜਾ ਦੇਸ਼ ਦੇ ਪਰਾਇਆ

ਧੀ ਆਪਣੀ ਮਾਂ ਨੂੰ ਮਿਲਣ ਲਈ ਕਿੰਨੀ ਉਤਾਵਲੀ ਹੈ ਪਰੰਤੂ ਨਦੀਆਂ'ਚ
ਆਇਆ ਉਛਾਲ ਉਹਦੀਆਂ ਸਧਰਾਂ ਤੇ ਪਾਣੀ ਫੇਰ ਦੇਂਦਾ ਹੈ:-
ਉਰਲੇ ਕੰਢੇ ਮੈਂ ਖੜੀ
ਪਰਲੇ ਕੰਢੇ ਮਾਂ ਖੜੀ
ਭਰ ਭਰ ਡੋਹਲਦੀ ਅੱਖੀਆਂ ਦਾ ਨੀਰ ਵੇ

ਭਾਈ ਵੇ ਲੁਹਾਰ ਦਿਆ
ਭਾਈ ਵੇ ਦਖਾਣ ਦਿਆ
ਘੜ ਲਿਆ ਮੇਰੀ ਪਾਲਕੀ
ਜਾਵਾਂ ਬਾਬਲ ਦੇ ਦੇਸ ਵੇ
ਨਾਈਆ ਤੇਰੀ ਟੰਗ ਟੁੱਟੇ

37/ਸ਼ਗਨਾ ਦੇ ਗੀਤ