ਪੰਨਾ:ਸੂਫ਼ੀ-ਖ਼ਾਨਾ.pdf/8

⁠ਓ ਦੇਸ਼ ਦੇ ਪੁਜਾਰੀ!⁠[ਗੀਤ

---

੧.⁠ ਓ ਹਿੰਦ ਦੇ ਜਵਾਨਾ! ਹਿੰਦੂ ਤੇ ਮੁਸਲਮਾਨਾ!
ਹੁਸ਼ਿਆਰ ਹੋ ਕੇ ਡਟ ਜਾ, ਉਕ ਜਾਏ ਨਾ ਨਿਸ਼ਾਨਾ।
ਹਿੰਮਤ ਦੇ ਨਾਲ ਛੋਹ ਦੇ, ਇਤਫਾਕ ਦੀ ਉਸਾਰੀ,
⁠ਓ ਦੇਸ਼ ਦੇ ਪੁਜਾਰੀ!

੨.⁠ ਮਾਤਾ ਤੇਰੀ ਦੇ ਗਲ ਦੇ, ਸੰਗਲ ਏ ਮੋਟੇ ਮੋਟੇ,
ਜੰਗਾਲ ਖਾ ਚੁਕੇ ਨੇਂ, ਕਰ ਸੁਟ ਏ ਟੋਟੇ ਟੋਟੇ।
ਲਾ ਜ਼ੋਰ ਦਾ ਇਕ ਝਟਕਾ, ਮੁਸ਼ਕਿਲ ਮੁਕਾ ਦੇ ਸਾਰੀ,
⁠ਓ ਦੇਸ਼ ਦੇ ਪੁਜਾਰੀ!

੩.⁠ ਤੇਰੀ ਘਾਲ ਹੋਈ ਪੂਰੀ, ਜੇਲਾਂ ਨਿਸ਼ੰਗ ਨਾ ਭਰ,
ਛਡ ਦੇ ਪਰਾਈ ਪੂਜਾ, ਤੇ ਅਪਣਿਆਂ ਤੋਂ ਨਾ ਡਰ।
ਨਫਰਤ ਤੇ ਬੇਵਿਸਾਹੀ, ਹੁਣ ਹੋ ਗਈ ਨਿਕਾਰੀ,
⁠ਓ ਦੇਸ਼ ਦੇ ਪੁਜਾਰੀ!

੪.⁠ ਆਸ਼ਾ ਤੇਰੀ ਦਾ ਸੂਰਜ, ਸਭ ਥਾਂ ਤੇ ਚ੍ਹੜ ਚੁਕਾ ਹੈ,
ਦੁਨੀਆ ਦੀ ਤੱਕੜੀ ਤੇ, (ਤੇਰਾ) ਤੋਲ ਵਧ ਗਿਆ ਹੈ।
ਨੀਯਤ ਹੈ ਰਾਸ ਤੇਰੀ, ਹੁਣ ਮਾਰ ਇਕ ਉਡਾਰੀ,
⁠ਓ ਦੇਸ਼ ਦੇ ਪੁਜਾਰੀ!

-੨-