ਪੰਨਾ:ਹਮ ਹਿੰਦੂ ਨਹੀ.pdf/126

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ


( ੧੧੪ )

ਗੁਰਸਿੱਖ ਹੋਇ ਆਨਦੇਵ ਸੇਵ *ਟੇਵ ਗਹੈ
ਸਹੈ ਯਮਦੰਡ ਧ੍ਰਿਗਜੀਵਨ ਸੰਸਾਰ ਹੈ.

ਪ੍ਯਾਰੇ ਹਿੰਦੂ ਜੀ ! ਆਪ ਦੀ ਔਰ ਸਾਡੀ ਉਪਾਸਨਾ
ਔਰ ਪੂਜਾ ਦਾ ਤਰੀਕਾ ਭੀ ਇੱਕ ਨਹੀਂ ਹੈ,
ਆਪ ਪੂਜਦੇ ਹੋਂ ਚੰਦਨ ਕੁੰਗੂ ਆਰਤੀ ਆਦਿਕ
ਸਾਮਗ੍ਰੀ ਨਾਲ, ਪਰ ਸਾਡੇ ਧਰਮ ਵਿੱਚ ਪੂਜਨ ਦਾ
ਏਹ ਪ੍ਰਕਾਰ ਹੈ:-

ਤੇਰਾ ਨਾਮ ਕਰੀਂ ਚਨਣਾਠੀਆ ਜੇ ਮਨ ਉਰਸਾ ਹੋਇ,
ਕਰਣੀ ਕੁੰਗੂ ਜੇ ਰਲੈ ਘਟ ਅੰਤਰ ਪੂਜਾਹੋਇ,
ਪੂਜਾ ਕੀਚੈ ਨਾਮ ਧਿਆਈਐ ਬਿਨ ਨਾਵੈੈਂ ਪੂਜ ਨ ਹੋਇ,
ਬਾਹਰ ਦੇਵ ਪਖਾਲੀਐ ਜੇ ਮਨ ਧੋਵੈ ਕੋਇ,
ਜੂਠ ਲਹੈ ਜੀਉ ਮਾਂਜੀਐ ਮੋਖਪਇਆਣਾ ਹੋਇ. (ਗੂਜਰੀ ਮਹਲਾ ੧)
ਦੂਜੈਭਾਇ ਅਗ੍ਯਾਨੀ ਪੂਜਦੇ ਦਰਗਹਿ ਮਿਲੈ ਸਜਾਇ,
ਆਤਮਦੇਉ ਪੂਜੀਐ ਬਿਨ ਸਤਿਗੁਰੁ ਬੂਝ ਨ ਪਾਇ.
(ਵਾਰ ਸ੍ਰੀ ਰਾਗ ਮ ੩)
ਮਨ **ਸੰਪੁਟ ਜਿਤ ਸਤ ਸਰਿ ਨਾਵਣ ਭਾਵਨ ਪਾਤੀ ਤ੍ਰਿਪਤ ਕਰੇ,
ਪੂਜਾ ਪ੍ਰਾਣ ਸੇਵਕ ਜੇ ਸੇਵੇ ਇਨ ਬਿਧਿ ਸਾਹਿਬ ਰਵਤ ਰਹੇ
(ਸੂਹੀ ਮ ੧)
ਅਚੁਤ ਪੂਜਾ ਜੋਗ ਗੋਪਾਲ,
ਮਨ ਤਨ ਅਰਪ ਰਖਉ ਹਰਿ ਆਗੇ
ਜਰਬ ਜੀਆਂ ਕਾ ਹੈ ਪ੍ਰਤਿਪਾਲ. (ਬਿਲਾਵਲ ਮ: ੫)
ਹਰਿ ਕੀ ਪੂਜਾ ਦੁਲਭ ਹੈ ਸੰਤਹੁ! ਕਹਿਣਾ ਕਛੂ ਨ ਜਾਈ,
ਸੰਤਹੁ! ਗੁਰਮੁਖ ਪੂਜ ਕਰਾਈ, ਨਾਮੋ ਪੂਜ ਕਰਾਈ.

  • ਆਸਰਾ.
    • ਡਬਾ,ਠਾਕੁਰ ਦਾ ਸਿੰਘਾਸਣ.