ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
( ੧੬੪)
ਔਰ ਜੇ ਆਪ ਦੇ ਮਤ ਵਿੱਚ ਕ੍ਰਿਯਾ ਕਰਮ
ਪਿੰਡਦਾਨ ਆਦਿਕ ਵਿਧਾਨ ਨਹੀਂ ਤਾਂ ਗੁਰੂਅਮਰਦਾਸ
ਜੀ ਨੇ ਸੱਦ ਵਿੱਚ ਏਹ ਕ੍ਯੋਂ ਆਖਿਆ ਹੈ:-
"ਅੰਤੇ ਸਤਗੁਰੁ ਬੋਲਿਆ,
ਮੈ ਪਿਛੈ ਕੀਰਤਨ ਕਰਿਅਹੁ ਨਿਰਬਾਣ ਜੀਉ.
ਕੇਸੋ ਗੋਪਾਲ ਪੰਡਿਤ ਸਦਿਅਹੁ,
ਹਰਿ ਹਰਿ ਕਥਾ ਪੜਹਿ ਪੁਰਾਣ ਜੀਉ.
ਹਰਿਕਥਾ ਪੜੀਐ ਹਰਿਨਾਮ ਸੁਣੀਐ,
ਬੇਬਾਣ ਹਰਿਰੰਗ ਗੁਰੁ ਭਾਵਏ.
ਪਿੰਡ ਪਤਲ ਕ੍ਰਿਆ ਦੀਵਾ ਫੁਲ ਹਰਿਸਰਿ ਪਾਵਏ."
ਔਰ ਗੁਰੂ ਸਾਹਿਬਾਨ ਤੀਰਥਾਂ ਉੱਤੇ ਆਪ
ਕ੍ਯੋਂ ਜਾਦੇਰਹੇ ਹਨ?
ਸਿੱਖ--ਪ੍ਯਾਰੇ ਹਿੰਦੂ ਭਾਈ! ਗੁਰੂ ਨਾਨਕ ਦੇਵ
ਅੱਸੂ ਸੁਦੀ ੧੦ ਨੂੰ ਜੋਤੀਜੋਤ ਸਮਾਏ ਹਨ, ਜੇਹਾ ਕਿ
ਪ੍ਰਾਚੀਨ ਸਾਖੀਆਂ ਵਿੱਚ ਲਿਖਿਆ ਹੈ, ਔਰ ਭਾਈ
ਮਨੀ ਸਿੰਘ ਜੀ ਭੀ ਗ੍ਯਾਨਰਤਨਾਵਲੀ ਵਿੱਚ ਅੱਸੂ
ਸੁਦੀ ੧੦ ਨੂੰ ਲਿਖਦੇ ਹਨ, ਔਰ ਸਾਰੇ ਗੁਰਦ੍ਵਾਰਿਆਂ
ਵਿੱਚ ਚਾਨਣੀ ਦਸਮੀ ਦਾ ਹੀ ਗੁਰੁਪਰਬ ਮਨਾਯਾ
ਜਾਂਦਾ ਹੈ. ਸ਼੍ਰਾੱਧਮਹਾਤਮ ਪ੍ਰਗਟ ਕਰਣਵਾਲੇ
ਪ੍ਰਪੰਚੀਆਂ ਨੇ ਕਈ ਸਾਖੀਆਂ ਵਿੱਚ ਸ਼੍ਰਾੱਧਾਂ ਦੀ ਦਸਮੀ
ਲਿਖ ਦਿੱਤੀ ਹੈ.
