ਪੰਨਾ:ਹਮ ਹਿੰਦੂ ਨਹੀ.pdf/58

ਵਿਕੀਸਰੋਤ ਤੋਂ
ਨੈਵੀਗੇਸ਼ਨ 'ਤੇ ਜਾਓ ਸਰਚ ਤੇ ਜਾਓ
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ

( ੪੬)

ਔਰ ਇਸ ਵਿਸ਼ਯ ਪਰ ਜੋ ਸਾਡੇ ਧਰਮਪੁਸਤਕਾਂ
ਦੀ ਰਾਯਹੈ ਓਹ ਭੀ ਆਪਨੂੰ ਸੁਣਾਉਣੀ ਮੁਨਾਸਬ
ਸਮਝਦੇ ਹਾਂ, ਜਿਸ ਤੋਂ ਆਪ ਸਮਝਲਓਂਗੇ
ਕਿ ਸਿੱਖਾਂ ਅਤੇ ਹਿੰਦੂਆਂ ਦਾ ਖਾਨ ਪਾਨ ਵਿੱਚ
ਕਿਤਨਾ ਭੇਦ ਹੈ:-

(੧) ਮੋਨੇ ਕਰ ਅਹਾਰ ਨਹਿ ਖਾਨਾ* (ਗੁਰੁਪ੍ਰਤਾਪ ਸੂਰਯ)
(੨) ਰਸੋਈਆ ਸਿੱਖ ਰੱਖੇ (ਰਹਿਤਨਾਮਾ ਭਾਈ ਚੌਪਾ ਸਿੰਘ)
(੩) ਜਾਤਿ ਪਾਤਿ ਕੋ ਭੇਦ ਨ ਕੋਈ,
    ਚਾਰਵਰਨ ਅਚਵਹਿ ਇਕਹੋਈ, ਗੁਰ ਪ੍ਰਤਾਪ ਸੂਰਯ

(ਇ) ਜੇ ਹਿੰਦੁਆਂ ਨਾਲ ਸਾਕ ਨਾਤੇ ਹੋਣ ਕਰਕੇ
ਸਿੱਖਾਂ ਨੂੰ ਹਿੰਦੂ ਆਖਦੇ ਹੋੋਂ, ਤਾਂ ਯਹੂਦੀ ਈਸਾਈ
ਬੌਧ (ਜਾਪਾਨੀ ਔਰ ਚੀਨੀ) ਆਦਿਕਾਂ ਦੀਆਂ
ਆਪਸ ਵਿਚ ਰਿਸ਼ਤੇਦਾਰੀਆਂ ਹੁੰਦੀਆਂ ਹਨ, ਕ੍ਯਾ
ਇਹ ਸੰਬੰਧਮਾਤ੍ਰ ਕਰਕੇ ਆਪਣੇ ਧਰਮ ਤੋਂ ਪਤਿਤ
ਮੰਨੇ ਜਾਂਦੇ ਹਨ?

ਔਰ ਆਪਨੂੰ ਤਵਾਰੀਖਾਂ ਤੋਂ ਪਤਾ ਲੱਗਿਆ ਹੋਣਾ
ਹੈ ਕਿ ਕਿਸੀ ਵੇਲੇ ਮੁਗ਼ਲੀਆ ਖਾਨਦਾਨ ਦੇ ਨਾਲ
ਹਿੰਦੂਆਂ ਦੇ ਸਾਕ ਨਾਤੇ ਭੀ ਹੁੰਦੇ ਸੇ,ਔਰ ਏਹ ਬਾਤ

  • ਚਾਹੋ ਸਿੱਖਾਂ ਵਿੱਚ ਛੂਤਛਾਤ ਦਾ ਵਹਿਮ ਨਹੀਂ,ਪਰ ਪਵਿਤ੍ਰਤਾ ਦੀ

ਭਾਰੀ ਮਹਿਮਾ ਹੈ. ਅਨਯਧਰਮੀਆਂ ਦੇ ਹੱਥੋਂ ਖਾਨ ਪਾਨ ਕਰਣ
ਨਾਲ ਪਵਿਤ੍ਰ੍ਤਾ ਵਿੱਚ ਰਹਿਤ ਅਨੁਸਾਰ ਅਨੇਕ ਵਿਘਨ ਪੈਂਦੇ ਹਨ.