ਪੰਨਾ:Agg te ashik.pdf/13

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ


ਸ਼ਰਮਿੰਦਾ ਜਿਹਾ ਹੋ ਕੇ ਹੱਸਣ ਲਗ ਪਿਆ। ਪ੍ਰੀਪਾਲ ਨੇ ਛੱਲੀ ਫੜੀ ਅਤੇ ਉਸਨੂੰ ਇੰਜ ਚੱਕ ਮਾਰਿਆ ਮਾਨੋਂ ਕਈ ਦਿਨਾਂ ਦੀ ਭੁੱਖੀ ਹੋਵੇ।
'ਜੇ ਮੈਂ ਇਕ ਗਲ ਪੁਛਾਂ ਦਸੇਂਗੀ?' ਸਰਵਣ ਉਹਦੇ ਲਾਗੇ ਹੋ ਗਿਆ।
'ਕਿਉਂ ਨਹੀਂ, ਜ਼ਰੂਰ ਦਊਂ ਜੇ ਮੈਨੂੰ ਪਤਾ ਹੋਇਆ।'
-"ਭਲਾ ਤੂੰ ਸਾਡੇ ਘਰ ਆਉਣੋਂ ਕਿਉਂ ਹੱਟ ਗਈ ਏਂ?
'ਐਵੇਂ ਈ......ਬਸ ਵਿਹਲ ਈ ਨਹੀਂ ਲਗਦਾ।'
"ਨਹੀਂ, ਇਹ ਗੱਲ ਨਹੀਂ।...ਸਚ ਸਤੀ ਦਸ ਤੈਨੂੰ ਕੰਵਰ ਨੇ ਮਨ੍ਹਾ ਨਹੀਂ ਕੀਤਾ ?"
ਪ੍ਰੀਪਾਲ ਨੇ ਕੋਈ ਉਤਰ ਨਾ ਦਿਤਾ।
'ਕੰਵਰ ਕਿਹੋ ਜਿਹਾ ਮੁੰਡਾ ਏ ਪਾਲ?' ਇਹ ਦੂਜੀ ਵਾਰ ਸੀ ਕਿ ਉਹਨੇ ਸਰਵਣ ਦੇ ਮੂੰਹੋਂ 'ਪਾਲ' ਸ਼ਬਦ ਸੁਣਿਆ ਸੀ।
ਉਹ ਫਿਰ ਨਾ ਬੋਲੀ।
'ਦੇਹ ਜਵਾਬ ਮੇਰੀ ਗਲ ਦਾ।' ਸਰਵਣ ਕੁਝ ਹਿਰਖ ਕੇ ਬੋਲਿਆ।
ਪ੍ਰੀਪਾਲ ਨੂੰ ਚੁਪ ਵੇਖਕੇ ਉਹ ਫਿਰ ਕਹਿਣ ਲੱਗਾ-
'ਪਾਲ, ਮਾਸਟਰ ਇੰਦਰ ਪਾਲ ਜੀ ਕਹਿੰਦੇ ਹੁੰਦੇ, ਜਿੰਨਾ ਕੋਈ ਆਦਮੀ ਵੱਧ ਅਮੀਰ ਹੁੰਦਾ, ਓਨੀਆਂ ਉਹਦੀਆਂ ਹਰਕਤਾਂ ਕਮੀਨੀਆਂ ਹੁੰਦੀਆਂ।'
'ਹੂੰ!" ਪ੍ਰੀਪਾਲ ਨੇ ਜਿਵੇਂ ਕਿਸੇ ਸੁਪਨੇ ਵਿਚ ਹੁੰਗਾਰਾ ਭਰਿਆ ਹੋਵੇ।
"ਪਰ, ਤੂੰ ਕੰਵਰ ਨਾਲ ਬੋਲਣਾ ਕਿਉਂ ਛੱਡਿਆ?' ਪ੍ਰੀਪਾਲ ਨੇ ਗਲ
ਚਾਲੂ ਰਖੀ।
‘ਪਾਲ, ਤੂੰ ਇਸ ਗਲ 'ਚੋਂ ਕੀ ਲੈਣਾ?'
'ਮੈਂ ਕੁਝ ਵੀ ਲੈਣਾ ਹੋਵੇ; ਪਰ ਤੈਨੂੰ ਮੇਰੇ ਪਿਆਰ ਦੀ ਕਸਮ ਈ ਨਾ ਦਸੇ ਤਾਂ।'
'ਪਰ ਤੂੰ ਪਿਆਰ ਦੀ ਕਸਮ ਕਿਉਂ ਖਾ ਗਈ ਏਂ?' ਸਰਵਣ ਲਈ ਪਾਲ ਨੇ ਇਕ ਲੀਕ ਖਿਚ ਦਿਤੀ ਸੀ।
'ਸੱਚ ਪੁਛਦੀ ਏਂ ਤਾਂ ਇਸ ਪਿਛੇ ਹੱਕ ਮੰਗਣ ਵਾਲੇ ਦੀ ਅਤੇ ਹੱਕ

੧੪