ਪੰਨਾ:ਅੱਗ ਦੇ ਆਸ਼ਿਕ.pdf/21

ਵਿਕੀਸਰੋਤ ਤੋਂ
(ਪੰਨਾ:Agg te ashik.pdf/21 ਤੋਂ ਰੀਡਿਰੈਕਟ)
ਇਹ ਸਫ਼ਾ ਪ੍ਰਮਾਣਿਤ ਹੈ

੩.

'ਮਖ਼ ਇੱਸ਼ਕ ਕੀ ਹੁੰਦਾ?'
'ਕਿਉਂ, ਹੋ ਤਾਂ ਨਹੀਂ ਗਿਆ ਕਿਸੇ ਨਾਲ?
ਖੈਰੂ ਆਪਣੇ ਉਤੇ ਹੋਏ ਇਸ ਪ੍ਰਸ਼ਨ ਤੇ ਕੁਝ ਝੇਂਪ ਗਿਆ।
'ਮੈਂ ਤਾਂ ਐਵੇਂ ਈਂ ਪੁਛਿਆ।'ਖੈਰੂ ਦੀ ਇਸ ਦਿਤੀ ਸਫਾਈ ਨਾਲ ਸ਼ਮੀਰ ਨੂੰ ਵਿਸ਼ਵਾਸ਼ ਨਾ ਆਇਆ।
‘ਨਹੀਂ ਬਚੂ, ਗਲ ਜ਼ਰੂਰ ਹੈਗੀ ਕੋਈ, ਦਸ ਦੇ ਨਹੀਂ ਤੇ ਗਿਚੀ ਮਲਦੂੰ ਅਜ?' ਸ਼ਮੀਰ ਖਹਿੜੇ ਪੈ ਗਿਆ।
'ਮਖ ਨਹੀਂ, ਸੌਂਹ ਅੱਬਾ ਦੀ, ਕੋਈ ਨਹੀਂ, ਮੈਂ ਤਾਂ ਹੱਸਣ ਡਿਹਾ ਸਾਂ।'
'ਨਹੀਂ, ਮੈਂ ਨਹੀਂ ਮੰਨਦਾ', ਆਖ ਸ਼ੁਮੀਰ ਨੇ ਖੈਰੂ ਨੂੰ ਬਗਲਾਂ ਤੋਂ ਗਲਵਕੜੀ ਭਰਦਿਆਂ ਚੁੱਕ ਲਿਆ। ‘ਦੱਸਦੇ ਸੂਰਾ, ਨਹੀਂ ਤੇ ਮਣਕਾ ਤੋੜ ਦਊਂ।' ਸ਼ੁਮੀਰ ਆਪਣੀ ਜਿੱਦ ਤੇ ਅੜਿਆ ਸੀ।
'ਛਡਦੇ ਖਸਮਾਂ, ਛੱਡਦੇ, ਦਸਦੀ ਬੁੜਿਆ, ਦਸਦਾਂ!' ਹਾਰ ਮੰਨਦਿਆਂ ਖੇਰੂ ਨੇ ਜਾਨ ਛੁਡਾਈ। ਦੋਵੇਂ ਯਾਰ ਜ਼ੋਰ ਕਰਕੇ ਹਟੇ ਸਨ ਅਤੇ ਨਹਾਉਣ ਤੋਂ ਪਹਿਲਾਂ ਮੁੜ੍ਹਕਾ ਸੁਕਾ ਰਹੇ ਸਨ। ਖੈਰੂ ਸਾਰੀ ਗਲ ਦਸਣ ਦੇ ਰੌਂਅ ਵਿਚ ਸੀ। ਇਸ ਲਈ ਉਹ ਔਲੂ ਦੀ ਬੰਨ੍ਹੀ ਉਤੇ ਬਹਿ ਗਏ।

੨੨