(੭੦)
ਦੇਂ ਦੀਓ ਤਾਂ ਰੰਗ ਵਿਗੜ ਜਾਂਦਾ ਪਰ ਨਹੀਂ ਤੂੰ ਉਸ ਵੇਲੇ ਲਾਜ ਤੇ ਸ਼ਰਮ ਦਾ ਦਾਮਨ ਫੜਕੇ ਆਪਣਾ ਰੰਗ ਜਮਾ ਲਿਆ, ਇਹ ਬੜਾ ਹੀ ਚੰਗਾ ਹੋਇਆ । ਉਨ੍ਹਾਂ ਤੇ ਏਸ ਗਲ ਦਾ ਬਹੁਤ ਅਸਰ ਪਵੇਗਾ |
ਤੇਰੀ ਚਿਠੀ ਤੋਂ ਮੈਂ ਇਹ ਜ਼ਰੂਰ ਸਮਝ ਲੀਤਾ ਹੈ ਕਿ -- ‘‘ਉਹ’’ ਤੇਰੇ ਤੇ ਲਟੂ ਨੇ, ਪਰ ਬੜੇ ਸ਼ਰਮਾਕਲ ਮਲੂਮ ਹੁੰਦੇ ਨੇ, ਏਸੇ ਕਰਕੇ ਉਹ ਆਪਣਾ ਦਿਲ ਨਹੀਂ ਖੋਲ ਸਕੇ । ਜੇ ਉਹ ਸ਼ਰਮਾਕਲ ਨਾ ਹੁੰਦੇ ਤਾਂ ਆਪਣੀਆਂ ਮਨੋਰੰਜਕ ਗਲਾਂ ਨਾਲ ਬੁਲਾਏ ਬਿਨਾ ਤੇਰਾ ਖਹਿੜਾ ਨਾ ਛਡਦੇ ਭੈਣ ! ਬਸ ਮੇਰਾ ਇਹੋ ਕਹਿਣਾ ਹੈ ਕਿ ਆਪਣੇ ਦਿਲ ਨੂੰ ਛੋਟਾ ਨਾ ਕਰ, ਆਪਣੇ ਦੇਵਤਾ ਨੂੰ ਪਛਾਨਣ ਦੀ ਥੋੜੀ ਜਹੀ ਹੋਰ ਕੋਸ਼ਸ਼ ਕਰ । ਜਦ ਤੂੰ ਉਨ੍ਹਾਂ ਨੂੰ ਪਛਾਣ ਲਵੇਂਗੀ ਤਾਂ ਤੇਰਾ ਦਿਲ ਆਪਣੇ ਆਪ ਕਹਿ ਦੇਵੇਗਾ, "ਇਹ ਮੇਰੇ ਨੇ ਤੇ ਮੈਨੂੰ ਮਿਲ ਗਏ ਨੇ । ’’
ਜੇ ਕੁਝ ਸਮੇਂ ਲਈ ਮੈਂ ਇਹ ਵੀ ਮੰਨ ਲਵਾਂ ਕਿ ਉਨਾਂ ਤੈਨੂੰ ਪਸੰਦ ਨਹੀਂ ਕੀਤਾ ਤਾਂ ਮੈਂ ਤੈਥੋਂ ਇਹ ' ਪਛਾਂਗੀ ਕਿ ਈਸ਼ਵਰ ਨੇ ਤੈਨੂੰ ਏਨਾਂ ਸੋਹਣਾ ਕਿਉਂ ਬਣਾਇਆ । ਅਸੀਂ ਸਾਰੀਆਂ ਤੇਨੂੰ ਹੁਸਨ ਦਾ ਅਵਤਾਰ ਕਿਹਾ ਕਰਦੀਆਂ ਸਾਂ, ਕੀ ਮੈਂ ਝੂਠ ਆਖ ਰਹੀ, ਹਾਂ ? ਆਪਣੀਆਂ ਸਾਰੀਆਂ ਸਹੇਲੀਆਂ ਪਾਸੋਂ ਪੁਛ ਵੇਖ, ਤੇਰੇ ਸੁਹੱਪਣ ਦੀ ਕੌਣ ਵਡਿਆਈ ਨਾ ਕਰੇਗਾ । ਹੁਣ ਜਦ ‘‘ਉਨ੍ਹਾਂ ’’ ਦੇ ਨਾਲ ਭੇਟ ਹੋਵੇ ਤਾਂ ਤੀਆ ਛਲ ਦਾ ਜਾਲ ਵਿਛਾ ਦੇਵੀਂ, ਫੇਰ ਵੇਖੀਂ ਕਿ ਉਹ ਕਿਵੇਂ
