ਪੰਨਾ:Pardesi Dhola.pdf/27

ਪਰਦੇਸੀ ਢੋਲਾ

ਇਸ ਮੁਲਕ ਵਿਚ ਪਰਦੇਸੀ
ਅਪਣੇ ਪਹਿਲੇ ਪਾਸਪੋਰਟ ਦੀ ਫ਼ੋਟੋ ਵਿਚ ਲੱਗਿਆ ਸਪਨਾ
ਮੁੜ ਮੁੜ ਦੇਖਣ ਲਗਦਾ ਹੈ ਦੇਖਦਾ ਰਹਿੰਦਾ ਹੈ ਤੇ ਉਸਤੋਂ ਡਰਨ ਲਗਦਾ ਹੈ
ਡਰਦਾ ਰਹਿੰਦਾ ਹੈ

ਇਸ ਮੁਲਕ ਵਿਚ ਪਰਦੇਸੀ
ਹੈਰਾਨ ਹੁੰਦਾ ਹੈ-
ਉਹਦੇ ਪਿੰਡ ਦੇ ਘਰ ਵਾਲ਼ੀ ਬੀਹੀ ਕਿੰਨੀ ਲੰਬੀ ਹੈ
ਉਹ ਬੀਹੀ ਵਿਚ ਵੜਦਾ ਹੈ
ਤਾਂ ਚੰਦਰਮਾ ਉਹਦੇ ਨਾਲ਼ ਨਾਲ਼ ਚਲਦਾ ਹੈ
ਉਹ ਚੰਦਰਮੇ ਦੇ ਨਾਲ਼ ਨਾਲ਼ ਚਲਦਾ ਹੈ
ਉਹ ਉਸ ਬੀਹੀ ਵਿਚ ਚਲਦਾ ਰਹਿੰਦਾ ਹੈ ਸਵੇਰ ਹੋਣ ਤਕ
ਇਸ ਮੁਲਕ ਦਾ ਪਰਦੇਸੀ

[23]