ਇਹ ਵਿਚਾਰ ਚਲ ਹੀ ਰਹੀ ਸੀ, ਕਿ ਏਸੇ ਵੇਲੇ ਚੌਕੀਦਾਰ ਨੇ ਆ ਕੇ ਇਕ ਕਾਰਡ ਮਿ: ਦਾਸ ਦੇ ਸਾਹਮਣੇ ਰਖਿਆ । ਉਸ ਉਤੇ ਲਿਖਿਆ ਸੀ ਦੀਨਾ ਨਾਥ’ ।
ਉਸ ਕਾਰਡ ਉਤੇ “ਦੀਨਾ ਨਾਥ’ ਦਾ ਨਾਂ ਪੜ੍ਹ ਕੇ ਮਿ: ਦਾਸ ਕੁਝ ਚਕਰਾਏ । ਮਿਸਿਜ਼ ਵਾਦਨ ਵਲ ਤਕ ,ਕੇ ਉਹ ਬੋਲੇ-'ਇਹ ਤਾਂ ਸ਼ਾਇਦ ਓਹੋ ਮੁੰਡਾ ਹੈ, ਜੋ ਇਸ ਵਾਰੀ ਬੀ. ਏ. ਦੇ ਇਮਤਿਹਾਨ ਵਿਚ ਫਸਟ ਰਿਹਾ ਹੈ ।'
ਮਿਸਿਜ਼ ਵਾਦਨ ਨੇ ਕਿਹਾ-ਹਾਂ ਮਲੂਮ ਤਾਂ ਐਸਾ ਹੀ ਹੁੰਦਾ ਹੈ ।
ਹਣ ਦਾਸ ਨੇ ਚੌਂਕੀਦਾਰ ਨੂੰ ਕਿਹਾ-ਆਨੇ ਦੋ ।
ਇਕ ਨੌਜਵਾਨ ਪਤਲੂਨ ਕੋਟ ਪਾਈ ਅੰਦਰ ਪੁਜਾ। ਉਸ ਨੇ ਆਉਂਦਿਆਂ ਹੀ ਬੜੀ ਨਿਮਰਤਾ ਨਾਲ ਮਿ: ਦਾਸ ਨੂੰ ਗੁਡ ਈਵਨਿੰਗ (Good Evening) ਕਹੀ ਤੇ ਫੇਰ ਇਕ ਕੁਰਸੀ ਉਤੇ ਬਹਿ ਗਿਆ ।
ਮਿ: ਦਾਸ ਨੇ ਉਸ ਵਲ ਤਕ ਕੇ ਕਿਹਾ-ਮੈਂ ਭੁਲਦਾ ਨਹੀਂ ਤਾਂ ਤੁਸੀਂ ਹੀ ਇਸ ਵਾਰੀ ਬੀ. ਏ. ਦੇ ਇਮਤਿਹਾਨ ਵਿਚ ਪਹਿਲੇ ਨੰਬਰ ਤੇ ਆਏ ਹੋ?'
ਨੌਜਵਾਨ ਨੇ ਨਿਮਰਤਾ ਨਾਲ ਕਿਹਾ-ਜੀ ਹਾਂ, ਆਪ ਦੀ ਕਿਰਪਾ ਹੈ ।
ਮਿ: ਦਾਸ ਬੋਲੇ-ਮੇਂ ਤੁਹਾਡੀ ਸਫਲਤਾ ਉਤੇ ਤੁਹਾਨੂੰ ਵਧਾਈ ਦਿੰਦਾ ਹਾਂ ।
ਨੌਜਵਾਨ ਨੇ ਜਵਾਬ ਵਿਚ ਕਿਹਾ-'ਆਪ ਦੀ ਕਿਰਪਾ ਹੈ।
ਮਿ: ਦਾਸ ਬੋਲੇ-ਤੁਸੀਂ ਵੀ ਮੇਰੇ ਇਸ ਸਮਾਜ ਸੁਧਾਰ ਦੇ ਦਲੇ ਵਿਚ ਕਿਉਂ ਨਹੀਂ ਸ਼ਾਮਲ ਹੋ ਜਾਂਦੇ ? ਤੁਸੀਂ ਹਾਲੇ ਨੌਜਵਾਨ ਹੋ। ਹੁਣ ਤੋਂ ਹੀ ਅਜੇਹੇ ਕੰਮਾਂ ਵਿਚ ਹਿੱਸਾ ਲੈਣ ਨਾਲ ਤੁਹਾਡਾ ਬੜਾ ਜਸ ਹੋਵੇਗਾ ਤੋਂ ਤੁਹਾਨੂੰ ਆਪਣੀ ਲਿਆਕਤ ਦੱਸਣ ਦਾ ਚੰਗਾ ਮੌਕਾ ਮਿਲੇਗਾ ।
-੭੧-
