ਇਹ ਸਫ਼ਾ ਪ੍ਰਮਾਣਿਤ ਹੈ
ਪਿੰਡ ਦੇ ਉਤਰ ਵਲ
(ਕਾਨੜੀ)
ਸ੍ਰੀ ਮਾਨ ਵੀ. ਸੀਤਾ ਰਾਮ ਸ਼ਾਸਤਰੀ ਐਮ.
ਐਸ. ਸੀ. 'ਖੈਰਸਾਗਰ’ ਬੰਗਲੌਰ ਕਾਲਜ ਦੇ
ਪ੍ਰੋਫ਼ੈਸਰ ਸਨ। ਕਹਾਣੀ-ਲੇਖਕ ਹੋਣ ਤੋਂ ਵੱਖ
ਕਾਮਯਾਬ ਕਵੀ ਵੀ ਹਨ। ਦੋ ਕਵਿਤਾ-ਸੰਗ੍ਰਹਿ
ਤੇ ਨਪੋਲੀਅਨ ਦਾ ਜੀਵਨ-ਚਿਤਰ ਆਪ ਦੇ
ਪ੍ਰਕਾਸ਼ਤ ਹੋ ਚੁਕੇ ਹਨ।
ਆਪ ਦੀ ਕਹਾਣੀ ਦਾ ਢੰਗ ਨਵੀਨ ਅਤੇ ਅਨੋਖਾ
ਹੈ। ਕਹਾਣੀ ਅਚਨਚੇਤ ਸ਼ੁਰੂ ਹੋਕੇ, ਪਾਠਕ ਨੂੰ
ਆਪਣੇ ਮਗਰ ਲਾ ਲੈਂਦੀ ਹੈ ਤੇ ਫਿਰ ਕਿਸੇ
ਅਨਿਸਚਿਤ ਅਸਥਾਨ ਤੇ ਮੁਕ ਜਾਂਦੀ ਹੈ। ਪੜ੍ਹਨ
ਵਾਲੇ ਨੂੰ ਇਉਂ ਅਨੁਭਵ ਹੁੰਦਾ ਹੈ, ਜਿਵੇਂ ਉਸ ਦਾ
ਕੋਈ ਸੁਪਨਾ ਅਧਵਾਟਿਉਂ ਟੁਟ ਗਿਆ ਹੋਵੇ--
ਇਸੇ ਲਈ ਕਹਾਣੀ ਦਾ ਮਿੱਠਾ ਮਿੱਠਾ ਸਵਾਦ
ਕਦੇ ਵੀ ਅੰਦਰੋਂ ਨਹੀਂ ਮੁਕਦਾ। "ਪਿੰਡ ਦੇ ਉਤਰ
ਵਲ" ਕਾਨੜੀ ਜ਼ਬਾਨ ਵਿਚ ਆਪ ਦੀ ਇਕ
ਕਾਮਯਾਬ ਕਹਾਣੀ ਹੈ।
-੬੧-
