ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
ਮੁੜ ਮੁਢੋਂ
ਪਹਿਲਾਂ ਪਹਿਲ ਜਦੋਂ ਉਹ ਆਇਆ ਸੀ ਤਾਂ ਲੋਕੀ ਉਸ ਨੂੰ ਦੁਖੀਆ ਆਖਦੇ ਸਨ। ਉਹ ਮਜ਼ਲੂਮ ਸੀ, ਬੇ ਕਸ ਸੀ, ਵਿਚਾਰਾ ਸੀ। ਫਿਰ ਹੌਲੀ ਹੌਲੀ ਉਹ ਸ਼ਰਨਾਰਥੀ ਬਣ ਗਿਆ। ਉਸ ਨੂੰ ਸਮਝ ਨਹੀਂ ਸੀ ਆ ਰਹੀ ਕਿ ਉਸ ਦੀ ਹਾਲਤ ਵਿਚ ਇਹ ਜੋ ਤੇਜ਼ੀ ਨਾਲ ਵਾਪਰ ਰਹੀ ਨਿਤ ਨਵੀਂ ਤਬਦੀਲੀ ਆ ਰਹੀ ਸੀ, ਇਸ ਦਾ ਪੱਖ ਉਚਾਣਾਂ ਵਲ ਸੀ ਕਿ ਨਿਵਾਣਾਂ ਵਲ। ਪਰ ਤਬਦੀਲੀਆਂ ਆਉਂਦੀਆਂ ਹੀ ਰਹਿੰਦੀਆਂ ਹਨ। ਉਹ ਸ਼ਾਇਦ ਸੋਚਣ ਅਤੇ ਸਮਝਣ ਤੋਂ ਅਸਮਰਥ ਹੁੰਦੀਆਂ ਹਨ। ਉਨਾਂ ਨੇ ਆਉਣਾ ਹੁੰਦਾ ਹੈ ਤੇ ਉਹ ਆ ਜਾਂਦੀਆਂ ਹਨ, ਆਪ ਮੁਹਾਰੀਆਂ
੧੦੦
