ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
(੨੦੭)
ਜੁਦਾ ਹੋਣਾ ਲਾਭਦਾਈ ਨਹੀਂ ਦਿਸਦਾ, ਪਹਿਲਾਂ
ਏਹ ਕਿ ਆਪਸ ਵਿੱਚ ਵਿਰੋਧ ਵਧਦਾ ਹੈ, ਦੂਜੇਸਿੱਖਾਂ
ਦੀ ਤਾਦਾਦ ਥੋੜੀ ਹੈ ਜੇ ਸਿੱਖ, ਹਿੰਦੁਕੌਮ ਤੋਂ
(ਜੋ ਇਸ ਵੇਲੇ ਬਡੀ ਸਮਰਥਾਵਾਨ ਹੈ) ਜੁਦੇ ਹੋਜਾਣ,
ਤਾਂ ਭਾਰੀ ਹਾਨੀ ਹੋਸਕਦੀ ਹੈ,ਬੁੱਧੀਵਾਨਾਂ ਦਾ ਕਹਿਣਾ
ਹੈ ਕਿ ਜਿੱਥੋੋੋਂ ਤੋੜੀ ਹੋ ਸਕੇ ਆਪਣੀ ਸਾਮਰਥ
ਵਧਾਉਣੀ ਚਾਹੀਏ.
ਸਿੱਖ--ਪ੍ਯਾਰੇ ਹਿੰਦੂ ਭਾਈ ਸਾਹਿਬ! ਏਹ ਗੱਲ
ਆਪ ਡੂੰਘੀ ਵਿਚਾਰ ਨਾਲ ਨਹੀਂ ਆਖ ਰਹੇ ਔਰ
ਪੁਰਾਣੇ ਇਤਿਹਾਸਾਂ ਨੂੰ ਧ੍ਯਾਨ ਨਾਲ ਵਿਚਾਰਕੇ ਔਰ
ਦੂਜੀਆਂ ਕੌਮਾਂ ਜਿਸ ਜਿਸ ਤਰਾਂ ਅਲਗ ਹੋਕੇ
ਪ੍ਰਬਲ ਹੋਈਆਂ ਹਨ ਉਨ੍ਹਾਂ ਕਾਰਣਾਂ ਨੂੰ ਸਿੱਖਕੌਮ
ਦੀ ਹਾਲਤ ਨਾਲ ਟਾਕਰਾ ਕਰਕੇ ਨਹੀਂ ਦੇਖਦੇ.
ਮੇਰੇ ਪ੍ਰੇਮੀ ਜੀ! ਕੋਈ ਕੌਮ ਭੀ ਸੰਸਾਰ ਪਰ
ਸ੍ਵਤੰਤ੍ਰ ਹੋਏ ਬਿਨਾਂ ਪੂਰੀ ਉੱਨਤੀ ਨਹੀਂ ਕਰਸਕੀ.
ਜਦ ਤੋੜੀ ਕੋਈ ਕੌਮ ਕਿਸੇ ਕੌਮਦੀ ਸ਼ਾਖ ਬਣਕੇ
ਰਹੀ ਹੈ, ਤਦ ਤੋੜੀ ਗੁਲਾਮੀਦਸ਼ਾ ਵਿੱਚ ਰਹੀ ਹੈ,
