ਪੰਨਾ:ਹਮ ਹਿੰਦੂ ਨਹੀ.pdf/52

ਵਿਕੀਸਰੋਤ ਤੋਂ
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ

(੪੦)

ਕਾਸ਼ਮੀਰ ਵਿਚ ਜਾਇਕੇ ਗੁਰਸਿੱਖੀ ਦੀ ਰੀਤਿ ਚਲਾ."

(੧੬)

ਅੰਮ੍ਰਿਤ ਛਕਾਉਂਣ ਵੇਲੇ ਜੋ ਉਪਦੇਸ਼
ਦਿੱਤਾ ਜਾਂਦਾ ਹੈ ਉਸਨੂੂੰ ਵਿਚਾਰ ਕੇ ਵੀ ਭੀ ਆਪ ਦੇਖ-
ਸਕਦੇ ਹੋਂ ਕਿ ਖ਼ਾਲਸਾ ਹਿੰਦੂ ਆਦਿਕ ਧਰਮਾਂ ਤੋਂ
ਭਿੰਨ ਹੈ, *ਯਥਾ:-

ਵਿਧਿਵਾਕਿਯਾ-

(੧)

ਅਜ ਥੁਆਡਾ ਜਨਮ ਸਤਗੁਰੂ ਦੇ ਘਰ ਹੋਯਾ ਹੈ, ਪਿਛਲੀ
ਜਾਤਿ ਪਾਤਿ ਵਰਣ ਗੋਤ ਔਰ ਮਜ਼ਹਬ ਆਦਿਕ ਸਭ ਮਿਟ
ਗਏ ਹਨ, ਇਸ ਵਾਸਤੇ ਅਪਣਾ ਪਿਤਾ ਗੁਰੂ ਗੋਬਿੰਦ ਸਿੰਘ ਔਰ
ਮਾਤਾ ਸਾਹਿਬ ਕੌਰ ਮੰਨਕੇ ਜਨਮ ਪਟਨੇ ਦਾ ਔਰ ਵਾਸੀ **ਆਨੰਦਪੁਰ
ਦੀ ਜਾਣਨੀ.

(੨)

ਅੰਮ੍ਰਿਤ ਵੇਲੇ ਨਿਤ੍ਯ ਸਨਾਨ ਕਰਣਾ, ਔਰ ਕ੍ਰਿਯਾ
ਅਤੀ ਸ੍ਵਛ ਰਖਣੀ.

(੩)

ਜਪ, ਜਾਪ, ਸਵੈਯੇ, ਰਿਹਰਾਸ ਔਰ ਸੋਹਲੇ ਦਾ
ਨੇਮ ਔਰ ਪ੍ਰੇਮ ਸਾਥ ਪਾਠ ਕਰਨਾ.

  • ਇਸ ਉਪਦੇਸ਼ ਵਿਚ ਬਹੁਤ ਐਸੇ ਨਿਯਮ ਹਨ ਜਿਨ੍ਹਾਂ ਨੂੰ ਤ

ਸੰਸਾਰਮਾਤ੍ਰ ਦੇ ਅਨੇਕ ਧਰਮੀ ਮੰਨਦੇ ਹਨ. ਔਰ ਜਿਨ੍ਹਾਂ ਨੂੰ ਅਸੀਂ
ਸਾਧਾਰਣਧਰਮ ਦੇ ਨਿਯਮ ਆਖ ਸਕਦੇ ਹਾਂ, ਪਰ ਜੋ ਨਿਯਮ ਖ਼ਾਸ
ਕਰਕੇ ਖ਼ਾਲਸਾਧਰਮ ਨਾਲ ਹੀ ਸੰਬੰਧ ਰਖਦੇ ਹਨ, ਉ੍ਹਨਾਂ ਨੂੰ ਵਿਚਾਰਕੇ
ਆਪ ਨਿਸ਼ਚਾ ਕਰ ਸਕਦੇ ਹੋਂ ਕਿ ਖਾਲਸਾਧਰਮ ਭਿੰਨ ਹੈ.

    • ਇਸ ਉਪਦੇਸ਼ ਦਾ ਭਾਵ ਇਹ ਹੈ ਕਿ ਅਜ ਤੋਂ' ਤੁਸੀਂ ਗੁਰੁ-

ਵੰਸ਼ੀ ਬਣੇ ਹੋੋਂ.

ਇਸ ਤੋਂ ਏਹ ਨਹੀਂ ਸਮਝਣਾ ਚਾਹੀਦਾ ਕਿ ਬਿਵਹਾਰਿਕ
ਲਿਖਤ ਪੜ੍ਹਤ ਵਿਚ ਆਪਣੇ ਜਨਮ ਔਰ ਰਿਹਾਯਸ਼ ਦੇ
ਪਿੰਡ ਦਾ ਨਾਉਂ ਛੱਡਕੇ ਪਟਣੇ ਔਰ ਆਨੰਦਪੁਰ ਦਾ ਨਾਉਂਂ
ਵਰਤਣਾ ਚਾਹੀਏ.