ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
(੧੧੩)
ਕੀ ਅਜ ਰੁਪਏ ਦੇ ਲੋਭ ਵਿਚ ਉਸ ਨਾਲ ਆਪ ਵਿਆਹ ਕਰਾਂ ? ਨਹੀਂ !
ਬਿਪਤਾ ਵਿਚ ਪੈਣ ਕਰਕੇ ਯਾਦ ਆਇਆ ਕਿ ਛੋਟੀ ਮਾਂ ਤੋਂ ਮਦਦ ਲਵਾਂ | ਘਰ ਵਿਚ ਛੋਟੀ ਮਾਂ ਹੀ ਸਭ ਤੋਂ ਸਿਆਣੀ ਹੈ। ਓਹਦੇ ਕੋਲ ਪੁਜਾ। ਪੁੱਛਿਆ - ਛੋਟੀ ਮਾਂ ! ਕੀ ਮੈਨੂੰ ਰਜਨੀ ਨਾਲ ਜ਼ਰੂਰ ਵਿਆਹ ਕਰਨਾ ਪਵੇਗਾ ? ਦੱਸ ਮੈਂ ਕੀ ਪਾਪ ਕੀਤਾ ਹੈ ?"
ਛੋਟੀ ਮਾਂ ਕੁਝ ਨਾ ਬੋਲੀ।
ਮੈਂ ਫਿਰ ਪੁਛਿਆ - "ਤਾਂ ਕੀ ਤੇਰੀ ਵੀ ਇਹੋ ਸਲਾਹ ਹੈ ?"
ਉਹ ਬੋਲੀ - "ਕਾਕਾ, ਰਜਨੀ ਕੁਲੀਨ ਘਰਾਣੇ ਦੀ ਲੜਕੀ ਹੈ।
"ਰਹਿਣ ਵੀ ਦੇਹ ਛੋਟੀ ਮਾਂ - ਤੂੰ ਵੀ...."
"ਮੈਂ ਸਮਝਦੀ ਹਾਂ ਉਸ ਦਾ ਚਾਲ ਚਲਣ ਵੀ ਚੰਗਾ ਹੈ ।"
"ਇਹ ਤਾਂ ਮੈਂ ਵੀ ਮੰਨਦਾ ਹਾਂ ।"
"ਉਹ ਸੋਹਣੀ ਵੀ ਰੱਜ ਕੇ ਹੈ ।"
"ਹਾਂ, ਹਰਨਾਖੀ - ਠੀਕ ਏ ਨਾ ?"
"ਕਾਕਾ, ਜੇ ਹਰਨਾਖੀ ਈ ਲੈਣ ਦੀ ਤੇਰੀ ਸਲਾਹ ਹੋਵੇ, ਤਾਂ ਦੂਜਾ ਵਿਆਹ ਕਰਾਣ ਵਿਚ ਕਿੰਨੀ ਕੁ ਢਿਲ ਲਗਦੀ ਏ ।"
"ਇਹ ਤੂੰ ਕੀ ਕਹਿੰਦੀ ਹੈ ਛੋਟੀ ਮਾਂ । ਰੁਪਏ ਦੀ