ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
ਰਾਜਨੀਤਕ ਪੱਖ
1083
ਜਦੋਂ ਮੁਕ ਗੇ ਘੜੇ ਦੇ ਦਾਣੇ
ਬਣ ਗਏ ਸਿੰਘ ਸਭੀਏ
1084
ਕੁਣਕਾ ਖਾਣ ਦੇ ਮਾਰੇ
ਬਣ ਗਏ ਸਿੰਘ ਸਭੀਏ
1085
ਕਾਲੀਆਂ ਨੇ ਅੱਤ ਚੁੱਕ ਲੀ
ਸਾਰੇ ਪਿੰਡ ਦੇ ਸਰਾਧ ਬੰਦ ਕੀਤੇ
1086
ਮੈਂ ਕਾਲਣ ਬਣ ਗਈ ਵੇ
ਕਾਲੀਆ ਤੇਰਿਆਂ ਦੁੱਖਾਂ ਦੀ ਮਾਰੀ
1087
ਮਾਹੀ ਮੇਰਾ ਸਿੰਘ ਸਭੀਆ
ਮੈਨੂੰ ਵਰਤ ਰੱਖਣ ਨਾ ਦੇਵੇ
1088
ਕੂਕੇ ਬੜੇ ਕਸੂਤੇ
ਪਾਣੀ ਨਾ ਪੀਂਦੇ ਬੋਕੇ ਦਾ
1089
ਕੂਕੇ ਬੜੇ ਕਸੂਤੇ
ਗੜਵਾ ਨਾ ਦਿੰਦੇ ਨ੍ਹਾਉਣ ਨੂੰ
1090
ਮੇਰੇ ਵਰਗਾਂ ਨੂੰ ਨਰਕ ਬਣਾਇਆ
ਫਿਰਕਾ ਪਰੱਸਤਾਂ ਨੇ
1091
ਤੈਥੋਂ ਰੱਖਿਆ ਨਾ ਗਿਆ ਨਨਕਾਣਾ
ਡੁੱਬਦੀ ਹਿੰਦ ਰੱਖਲੀ
144 :: ਗਾਉਂਦਾ ਪੰਜਾਬ