ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
ਖ਼ੁਸ਼ ਖ਼ਬਰੀ
ਅਰਥਾਤ ਕੁਰਾਨ ਮਜੀਦ ਦਾ ਹਿੰਦੀ ਅਨੁਵਾਦ
ਤੁਸੀਂ ਇਹ ਖ਼ਬਰ ਖੁਸ਼ੀ ਨਾਲ ਸੁਣੋਗੇ
ਪ੍ਰਮਾਤਮਾਂ ਦੀ ਕਿਰਪਾ ਨਾਲ ਕੁਰਾਨ ਮਜੀਦ
ਦਾ ਹਿੰਦੀ ਅਨੁਵਾਦ ਵੀ ਸੰਪੂਰਣ ਹੋ ਚੁਕਾ ਹੈ ਆਸ਼ਾ
ਹੈ ਕਿ ਇਹ ਭੀ ਸ਼ੀਘ੍ਰ ਹੀ ਛਪਨ ਵਾਸਤੇ ਛਾਪੇਖਾਨੇ
ਵਿਚ ਭੇਜ ਦਿਤਾ ਜਾਵੇਗਾ।ਕੁਰਾਨ ਮਜੀਦ ਦੇ ਇਸ
ਗੁਰਮੁਖੀ ਅਰ ਹਿੰਦੀ ਅਨੁਵਾਦ ਥੀਂ ਕੇਵਲ ਇਹ
ਪ੍ਰਯੋਜਨ ਹੇ ਕਿ ਮੇਰੇ ਸਿਖ ਅਰ ਹਿੰਦੂ ਭਰਾ ਇਸ
ਪਵਿਤ੍ਰ ਪੁਸਤਕ ਦੇ ਗਿਆਨ ਨੂੰ ਭਲੀ ਭਾਂਤ ਜਾਨ
ਲੈਣ।
ਅਰ ਹਿੰਦੂ ਮੁਸਲਮਾਨਾਂ ਵਿਚ ਜੋ ਕੇਵਲ
ਅਗਿਆਨਤਾ ਦੇ ਕਾਰਨ ਨਿੱਤ ਨਵੇਂ ਸੂਰਜ ਲੜਾਈ
ਝਗੜੇ ਹੁੰਦੇ ਰਹਿੰਦੇ ਹਨ ਰੁਕ ਜਾਨ ਅਰ ਅਸੀਂ
ਆਪਸ ਵਿਚ ਮੁਹੱਬਤ ਪਿਆਰ ਨਾਲ ਵਸੀਏ ਰੱਸੀਏ
ਪ੍ਰਮਾਤਮਾਂ ਹੀ ਮੇਰੀ ਇਸ ਆਸ਼ਾ ਨੂੰ ਪੂਰਿਆਂ ਕਰਨੇ
ਵਾਲਾ ਹੈ।
ਆਪਦਾ ਸ਼ੁਭਚਿੰਤਕ
ਦਾਸ-ਮੁਹੰਮਦ ਯੂਸਫ਼ ਐਡੀਟਰ ‘ਨੂਰ
ਕਾਦੀਆਂ ਜ਼ਿਲਾ ਗੁਰਦਾਸਪੁਰ
