ਪੰਨਾ:ਖੰਡ ਮਿਸ਼ਰੀ ਦੀਆਂ ਡਲ਼ੀਆਂ - ਸੁਖਦੇਵ ਮਾਦਪੁਰੀ.pdf/62

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ


137
ਚਿੜੀਆਂ ਤੇ ਕੋਇਲਾਂ
ਹਾੜ੍ਹ ਮਹੀਨੇ ਬੋਲਣ ਚਿੜੀਆਂ
ਸਾਉਣ ਮਹੀਨੇ ਕੋਲਾਂ
ਦਿਲ ਤੋਲੇਂ ਤੂੰ ਝੁਕਦੇ ਪਲੜੇ
ਮੈਂ ਝੁਕਦੇ ਨਾ ਤੋਲਾਂ
ਮੇਲੇ ਵਿੱਚ ਤੂੰ ਲਾਈ ਛਹਿਬਰ
ਕਿਵੇਂ ਮੈਂ ਤੈਨੂੰ ਮੋਹ ਲਾਂ
ਸੁਣ ਲੈ ਨੀ ਹੀਰੇ-
ਸੱਧਰਾਂ ਸਾਰੀਆਂ ਖੋਲ੍ਹਾ
138
ਕਾਂ ਤੇ ਬੁਲਬੁਲ
ਏਸ ਦੇਸ ਦਾ ਚੰਦਰਾ ਪਾਣੀ
ਚੰਦਰੀ ਜਹੀ ਇਹ ਥਾਂ
ਛਾਵੇਂ ਬਹਿ ਕੇ ਕੱਤਣ ਲੱਗੀ
ਚੂੰਢੀ ਲੈ ਗਿਆ ਕਾਂ
ਕਾਵਾਂ ਕਾਵਾਂ ਚੂੰਢੀ ਦੇ ਜਾ
ਲੈ ਕੇ ਰੱਬ ਦਾ ਨਾਂ
ਚੂੰਢੀ ਤੇਰੀ ਤਾਂ ਦੇਊਂ ਹੀਰੇ
ਦਸ ਦਏਂ ਮਾਹੀ ਦਾ ਨਾਂ
ਜਿਹੜਾ ਮੇਰੇ ਦਿਲ ਦਾ ਵਾਲੀ
ਰਾਂਝਾ ਉਹਦਾ ਨਾਂ
ਚੂੰਢੀ ਦੇ ਜਾ ਵੇ-
ਮੈਂ ਬੁਲਬੁਲ ਤੂੰ ਕਾਂ
139
ਘੁੱਗੀਆਂ
ਬੋੜੇ ਬੋੜੇ ਖੂਹ ਵਿੱਚ
ਘੁੱਗੀਆਂ ਬੋਲਣ
ਕਰਦੀਆਂ ਰੀਰੀ ਰੀਰੀ
ਭੁਲਿਆ ਵੇ ਕੰਤਾ-
ਨਾਰਾ ਬਾਝ ਫਕੀਰੀ
140
ਤੋਤਾ
ਬਾਗਾਂ ਦੇ ਵਿੱਚ ਬੋਲੇ ਤੋਤਾ
ਕਰਦਾ ਹੇਵਾ ਹੇਵਾ

58