ਪੰਨਾ:ਤਲਵਾਰ ਦੀ ਨੋਕ ਤੇ.pdf/51

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ


ਬਰਦਾ ਤੂੰ ਬਣ ਕੇ ਜਗਤ ਦਾ,
ਬਰਦੇ ਛੁਡਾਂਦਾ ਤੂੰ ਰਿਹੋਂ ।
ਹਰਦੁਆਰ ਪਾਣੀ ਦਾ ਕੌਤਕ,
ਵਾਹ ਵਾਹ ਨੇ ਰਮਜ਼ਾਂ ਤੇਰੀਆਂ ।
ਮਕੇ ਨੇ ਤੇਰੇ ਚਰਨਾਂ ਗਿਰਦੇ,
ਖੂਬ ਲਾਈਆਂ ਫੇਰੀਆਂ।

ਤੂੰ ਜਗ ਨੂੰ ਸੀ ਜਾਣਿਆ,
ਜੱਗ ਨੇ ਨਾ ਤੈਨੂੰ ਜਾਣਿਆ।
ਵੇ ਨਾਨਕੀ ਦੇ ਵੀਰ ਤੈਨੂੰ,
ਨਾਨਕੀ ਪਛਾਣਿਆ।

ਹਾਂ ਜਾਣਿਆ ਮਨਸੁਖ ਭਗੀਰਥ,
ਆਪ ਹੀ ਕਰਤਾਰ ਹੋ।
ਲਾਲੋ ਬੁਲਾਰ ਦੇ ਲਈ,
ਆਹਾ ਸੋਹਣੀ ਸ੍ਰਕਾਰ ਹੋ ।
ਰੱਬ ਨੇ ਬਣਾਇਆ ਆਪ ਨੂੰ,
ਰੱਬ ਨੂੰ ਬਣਾਇਆ ਆਪ ਨੇ ।
ਜਗਦੀਸ਼ ਦਾ ਜਲਵਾ ਦਿਖਾਇਆ,
ਆਪ ਨੇ ਬਸ ਆਪ ਨੇ ।

ਘੋਲੀ ਤੇਰੇ ਚਰਨਾਂ ਤੋਂ ਕਾਲੇ,
ਨਾਗ ਭੀ ਜਾਂਦੇ ਰਹੇ ।
ਦੇ ਭਾਗਹੀਣੇ ਆਦਮੀ,
ਤੈਨੂੰ ਸੀ ਕੀ ਆਂਹਦੇ ਰਹੇ।

-੪੭-