ਪੰਨਾ:ਨੈਣੀਂ ਨੀਂਦ ਨਾ ਆਵੇ - ਸੁਖਦੇਵ ਮਾਦਪੁਰੀ.pdf/173

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ


54
ਖੜੋਤੀ ਕੁੜੀਏ
ਚੱਕ ਲਿਆ ਬਾਗ ਵਿਚੋਂ ਊਰੇ
ਭਾਗਾਂ ਵਾਲ਼ਿਆਂ ਦੇ
ਅੱਜ ਹੋ ਗਏ ਨੇ ਕਾਗਜ਼ ਪੂਰੇ
ਭਾਗਾਂ ਵਾਲ਼ਿਆਂ ਦੇ
55
ਖੜੋਤੀ ਕੁੜੀ ਦੇ ਵੱਡੇ ਵੱਡੇ ਵਾਲ਼ੇ
ਕੋਲ਼ ਨੱਢਾ ਬੜ੍ਹਕਾਂ ਮਾਰੇ
ਨੀ ਮੋਗੇ ਦੁੱਧ ਵਿਕਦਾ
ਤੂੰ ਲੈ ਲੈ ਨਵੀਏਂ ਮੁਟਿਆਰੇ
ਨੀ ਮੋਗੇ ਦੁੱਧ ਵਿਕਦਾ
56
ਆਉਂਦੀ ਕੁੜੀਏ
ਜੋਰੋ ਨਿਕਲੀ ਪੰਜੇਬਾਂ ਪਾ ਕੇ
ਮੁੰਡਿਓ ਮਾਰਿਓ ਠੀਕਰੀਆਂ
ਪਰ ਮਾਰਿਓ ਪ੍ਰੀਤਾਂ ਲਾ ਕੇ
ਮੁੰਡਿਓ ਮਾਰਿਓ ਠੀਕਰੀਆਂ
57
ਬੰਤੀ ਕੁੜੀਏ ਦਾਰੀਏ
ਭੱਠੀ ਭਨਾ ਲੈ ਨੀ ਰੋੜੇ
ਖਿੱਚੀ ਤੇਰਾ ਮੋਹ ਆਉਂਦਾ
ਹੋਰ ਕਿਹੜਾ ਘਰ ਵਸਦੇ ਥੋਹੜੇ
ਖਿੱਚੀ ਤੇਰਾ ਮੋਹ ਆਉਂਦਾ
58
ਖੜੋਤੀ ਕੁੜੀਏ
ਸੱਚ ਦੇ ਬਚਨ ਵਿੱਚ ਰੌਣਾ
ਨੀ ਖੂਹ ਦੇ ਚੱਕ ਵਾਂਗੂੰ
ਫੇਰ ਨੀ ਜਗਤ ਤੇ ਆਉਣਾ
ਨੀ ਖੂਹ ਦੇ ਚੱਕ ਵਾਂਗੂੰ
59
ਆਉਂਦੀ ਕੁੜੀ ਨੇ ਬਾਗ ਲਵਾਇਆ
ਵਿੱਚ ਬਰੋਟਾ ਹੱਲਿਆ ਨੀ
ਮਾਂ ਦਾ ਸੂਰਮਾ
ਬਹੂ ਦੇ ਮੂਹਰੇ ਚਲਿਆ ਨੀ
ਮਾਂ ਦਾ ਸੂਰਮਾ

167